ဇာတ်လမ်းရဲ့ နာမည်အတိုင်းပဲ လာဗန်ညာဆိုတဲ့ အမျိုးသမီးလေးက အရာရာကို ပြည့်စုံလွန်းချင်သူလေး။ သူပြည့်စုံချင်တာက ပစ္စည်းဥစ္စာတွေမဟုတ်။ သန့်သန့်ရှင်းရှင်း သပ်သပ်ရပ်ရပ်နဲ့ အရာရာတိုင်းကို နေရာတကျဖြစ်ပြီး ပြီးပြည့်စုံချင်နေတာမျိုး။ ဘယ်လောက်တောင်လဲဆို ချစ်သူက ရေကူးကန်ဘေးမှာ ရိုမန်းတစ်ဆန်ဆန် လက်ထပ်ခွင့်တောင်းတာတောင် ရေကူးကန်ထဲက အမှိုက်ကိုမြင်ပြီး အရင်ပြေးဆယ်လို့ ဘဲပစ်မလေးဖြစ်ခဲ့ရ။ ကိုဗစ်ရောဂါအတွက် လိုက်နာရမဲ့စည်းကမ်းချက်တွေက သူ့အတွက် ပုံမှန်ဖြတ်သန်းနေကျဘ၀ပါတဲ့။ ဒီလို အရာရာဇီဇာကြောင်တဲ့ ဘဲပစ်မလေး လာဗန်ညာတစ်ယောက် ဟိုက်ဒရာဘတ်ဆီကို တာဝန်ကျတဲ့အခါမှာတော့…။ ကိုဗစ်ရောဂါကပ်ဆိုးကြီး အိန္ဒိယကိုစဝင်တဲ့အချိန်မှာ လာဗန်ညာတစ်ယောက် ပတ်ဝန်းကျင်အသစ် လုပ်ဖော်ကိုင်ဖက်အသစ်တွေနဲ့ ဘယ်လိုတွေ နှစ်ပါးသွားမလဲဆိုတာ အိန္ဒိယရုပ်ရှင်ချစ်ပရိသတ်တို့ စိတ်နှလုံးရွှင်ပြုံးစေဖို့ ဘာသာပြန်တင်ဆက်ပေးလိုက်ပါတယ်ခင်ဗျ။