ဇာတ်လမ်းအကျဉ်းကတော့ ၁၇ ရာစု ပိုလန်ခေတ်ရဲ့ ရွာလေးတစ်ရွာဖြစ်တဲ့အဒန်ချက်ကာရွာရဲ့ မျိုးရိုးမြင့် ရွာတစ်ဝက်ပိုင် ပရမ်းပတာအရှင်ကြီး ယန်ပါဝယ်ကို ဗဟိုပြုတင်ဆက်ထားပါတယ်။ဘာသာရေးအရူးဖြစ်တဲ့ သူ့ ဇနီးသည် ဇိုဖီယာပါမယ်၊ အမွေဆက်ခံရပေမဲ့ဖအေက သဘောမကျတဲ့ ဂီတသမား သားကြီးရယ်ဖအေသဘောကျ ဂျင်းထည့်နေတဲ့ ဘုန်းတော်ကြီးသားငယ်ရယ် ဖအေကို ပုန်ကန်ပြီး ခေတ်မှီတဲ့ သမီးငယ်နဲ့ မိသားစုကြီးပေါ့။တစ်ဖက်မှာလည်း နောက်ထပ် ရွာတစ်ဝက်ကို ပိုင်တဲ့ယန်ပါဝယ်ရဲ့ ပြိုင်ဖက် အွန်ဒရေး ရှိမယ်။ဇိုဖီယာရဲ့ မောင်ဖြစ်သူ အာပလာ စစ်ပြန်တစ်ယောက်နဲ့ပန်းပဲသမားလေးလည်း ပါဝင်ပြီး ဒီလူတွေကြားရွာမှာ အချင်းချင်း သောက်ပြသနာတွေတက် ဒုက္ခတွေရှာစမာကလာများတာတွေကို အကြည်တော်ဝတ္ထုထဲကလိုမျိုးပေါက်ကရဟာသတွေနဲ့ ရှူစားရမှာပါ။ပိုလန်စီးရီးဆိုပေမဲ့ Production ကောင်းကောင်းSoundtrack ကောင်းကောင်းတွေနဲ့ တင်ဆက်ထားပြီးမင်းသားနေရာက သရုပ်ဆောင်ဆို Mr.Bean တို့ Naked Gun ထဲက ခေါင်းဖြူကြီးတို့ကိုပြေးမြင်ရလောက်အောင် ရုပ်တည်ကြီးနဲ့ ထထဖောက်မှာကို မြင်ရမှာပါ။