ဒီseriesထဲမှာတော့ ကေဒရာမာဖန်တွေသိပြီးသားဖြစ်တဲ့ မင်းသမီး Han Jimin မင်းသား Lee Minkiနဲ့ နှုတ်ခမ်းနီမလေးတို့ရဲ့အသည်းစွဲ EXOအဖွဲ့ဝင် Suhoတို့က အဓိကပါဝင်သရုပ်ဆောင်ထားကြပါတယ်။ အလွဲပေါင်းများစွာနဲ့ ထူးဆန်းဖွယ်ရာတွေနဲ့ ပြည့်နှက်နေတဲ့ မူဂျင်းဆိုတဲ့ကျေးလက်တောရွာလေးမှာ ဘုံရယ်ဘွန်းဆိုတဲ့ကောင်မလေးဟာ တိကုဆရာဝန်မလေးအဖြစ်လုပ်ကိုင်နေရင်း တစ်နေ့မှာ မတော်တဆတစ်ခုကြောင့် မျောနေရာက ပြန်နိုးလာတဲ့အခါမှာ တိရစ္ဆာန်တွေပါမက လူတွေရဲ့တင်ပါးကိုကိုင်လိုက်တာနဲ့ အတိတ်ကိုမြင်ရတဲ့ စိတ်စွမ်းအင်ကိုရရှိလာပါတော့တယ်။ အဲ့အချိန်မှာပဲ ဆိုးလ်မြို့ကနေ ရာထူးချခံလိုက်ရတဲ့ စုံထောက်လေး မွန်းဂျန်ယောလ်ဟာ မူဂျင်းရဲစခန်းသို့ရောက်ရှိလာပါတော့တယ်။ ရုတ်တရက်ပေါ်ပေါက်လာတဲ့လူသတ်မှုတွေအတွက် စုံထောက်မွန်းဟာ ရယ်ဘွန်းနဲ့ပူးပေါင်းကာ အမှုလိုက်ဖို့ဖြစ်လာပါတော့တယ်။ တစ်ချိန်တည်းမှာပဲ ရပ်ကွက်ထဲကကုန်စုံဆိုင်လေးကို ပဟေဋိဆန်ဆန် လူချောလေးဂင်ဆွန်းဝူကပါ ပြောင်းလာပြီး အလုပ်လုပ်နေသောအခါ.. အလွဲလွဲအချော်ချော်နဲ့ သူတို့အမှုကို ဘယ်လိုလိုက်ကြမလဲ… ရွာထဲမှာရောဘယ်လိုထူးဆန်းမှုတွေရှိနေတာလဲ… လူသတ်သမားကဘယ်သူလဲ… ဆိုတာတွေကို ဟာသဆန်ဆန်ကြည့်ရမှာဖြစ်ပါတယ်။