Harry Taskerဟာ ကွန်ပျူတာ အရောင်းစာရေးလေးအဖြစ် အသွင်ယူထားတဲ့ နိုင်ငံ့ထိပ်တန်း သူလျှိုအဖွဲ့အစည်းတစ်ခုက သူလျှိုတစ်ယောက်ပဲဖြစ်ပါတယ်။ အိမ်ထောင်ရက်သား ကျပြီးလို့ ၁၇နှစ်အကြာ သားသမီးတွေ ထွန်းကားပြီးတာတောင်မှ သရုပ်မှန်ကို အခုထိပိပိရိရိ ဖုံးကွယ်ထားနိုင်ဆဲပါ။ တစ်ဖက်မှာလည်း ဇနီးဖြစ်သူ Helenအနေနဲ့ Harryရဲ့ အချိန်မတိကျမှုတွေ အလုပ်ကိစ္စဆိုပြီး မကြာခဏ ရက်တိုခရီးထွက်တာတွေအပေါ် သင်္ကာမကင်း စဖြစ်လာပါတော့တယ်။ အဲဒီလိုနဲ့ပဲ သရုပ်မှန်မပေါ်ချင်သလို အိမ်ထောင်ရေးပြဿနာလည်း မတက်ချင်တဲ့ Harryခမျာ ကြံရာမရတဲ့အဆုံး လံကြုပ်ဇာတ်ခင်းပြီး စစ်ဆင်ရေးထွက်ရမဲ့ ပဲရစ်မြို့ကို ဇနီးဖြစ်သူကိုပါ ခေါ်ချလာပါတော့တယ်။ ကံခေချင်တော့ စစ်ဆင်ရေးမှာလွဲချော်ပြီး နှစ်ယောက်လုံး အဖမ်းခံလိုက်ရကာ အန္တရာယ်တွေ ဝိုင်းနေတဲ့ကြားက သရုပ်မှန်ကို ဇနီးဖြစ်သူ သိသွားတဲ့အခါမှာတော့…