ကမ္ဘာတစ်ဝှမ်း ဟုန်းဟုန်းတောက်နာမည်ကျော်ကြားပြီး ပရိသတ်အသည်းစွဲဖြစ်ခဲ့တဲ့ "The Untamed" ဆိုတဲ့ wuxia/xianxia ဇာတ်လမ်းကောင်းလေးကို တင်ဆက်ပေးလိုက်ပါတယ်။ စရိုက်လက္ခဏာ လုံးဝဆန့်ကျင်ဘက်ဖြစ်တဲ့ လူငယ်နှစ်ယောက်... တစ်ယောက်က စည်းဘောင်တွေကို ဂရုမစိုက်ဘဲ လွတ်လပ်ပေါ့ပါးစွာ နေတတ်တဲ့ သွက်လက်ထက်မြက်တဲ့ ဝေ့ဝူရှန့်၊ နောက်တစ်ယောက်ကတော့ စည်းကမ်းကြီးပြီး အေးစက်တည်ငြိမ်လွန်းတဲ့ လန်ဝမ့်ကျီး။ သူတို့နှစ်ယောက်ဟာ ယွင်ရှန်းပုကျစ်ချုမှာ ပညာသင်ရင်း ဆုံတွေ့ခဲ့ကြပြီး မတူညီတဲ့အချက်တွေကြားကပဲ ခိုင်မာတဲ့ သံယောဇဉ်နှောင်ကြိုးတစ်ခု ဖြစ်ပေါ်လာခဲ့ပါတယ်။ အဲဒီနောက် ကျင့်ကြံခြင်းလောကကို ဒုက္ခပေးမယ့် ဝမ်မျိုးနွယ်ရဲ့ အကြံအစည်ဆိုးတွေကို သိသွားပြီး ပူးပေါင်းတားဆီးခဲ့ကြပေမဲ့ ကံကြမ္မာက သူတို့ဘက်မှာ ရှိမနေခဲ့ပါဘူး။ ဝေ့ဝူရှန့်ဟာ မတတ်သာတဲ့ အခြေအနေတွေကြောင့် မှော်နက်အတတ်ကို ကျင့်ကြံပြီး ရီလင်းလောင်ဇူ ဖြစ်လာခဲ့ပါတယ်။ မတရားမှုကို လက်မခံဘဲ အပြစ်မဲ့သူတွေကို ကာကွယ်ပေးခဲ့ပေမဲ့လည်း တစ်လောကလုံးရဲ့ အမုန်းဒေါသကို ခံရပြီး နောက်ဆုံး ညဉ့်မဲ့မြို့တိုက်ပွဲမှာ ချောက်ကမ်းပါးထဲ ခုန်ချပြီး အသက်စွန့်သွားခဲ့ရပါတော့တယ်။ ၁၆ နှစ်အကြာမှာတော့ မော့ရွှမ်းယွီဆိုတဲ့ လူငယ်လေးတစ်ဦးရဲ့ ဝိညာဉ်စတေးမှုကြောင့် ဝေ့ဝူရှန့်တစ်ယောက် တစ်ကျော့ပြန် ပြန်လည်လူဝင်စားနိုင်ခဲ့ပါတယ်။ မျက်နှာဖုံးနောက်မှာ မော့ရွှမ်းယွီအသွင်နဲ့ ရှင်သန်နေထိုင်နေပေမဲ့ သူ့ကို စောင့်မျှော်နေခဲ့တဲ့ လန်ဝမ့်ကျီးကတော့ ပထမဆုံးအကြည့်မှာတင် ချက်ချင်းမှတ်မိသွားခဲ့တာပါ။ သူတို့နှစ်ယောက် ပြန်လည်လက်တွဲပြီး ကျင့်ကြံခြင်းလောကထဲက ထူးဆန်းတဲ့ နက်နဲမှုအဖြစ်တွေကို လိုက်လံစုံစမ်းရင်း၊ လွန်ခဲ့တဲ့ ၁၆ နှစ်က သူတို့ဘဝကို ဖျက်ဆီးခဲ့တဲ့ တရားခံအစစ်အမှန်နဲ့ ကောက်ကျစ်တဲ့ လျှို့ဝှက်ချက်တွေကို ဘယ်လို ဖော်ထုတ်မယ် အဲဒါတွေက အတိတ်ကအဖြစ်အပျက်တွေနဲ့ရော ဘယ်လိုများ ဆက်စပ်နေမှာလဲဆိုတာကို စိတ်ဝင်စားဖွယ်ကြည့်ရှုခံစားကြရမှာပါ။