"Gu Family Book" ဆိုတဲ့ ရုပ်ရှင် (Drama) ဇာတ်ကားဟာ ၂၀၁၃ ခုနှစ်မှာ ဒါရိုက်တာ Shin Woo-chul နဲ့ Kim Jung-hyun တို့က ရိုက်ကူးထားပြီးတော့မင်းသားချော Lee Seung-gi နဲ့ မင်းသမီး Bae Suzy တို့က အဓိကဇာတ်ဆောင်တွေအနေနဲ့ ပါဝင်ထားပါတယ်။တောင်စောင့်နတ်ဘုရား ဖခင်နဲ့ လူသားမိခင်တို့ကနေ မွေးဖွားလာတဲ့ မြေခွေးတစ်ပိုင်း လူတစ်ပိုင်း ချွဲဂန်ချီ(Lee Seung-gi) ရဲ့ဘဝကို အခြေခံထားပြီးလွတ်လပ်မှုနဲ့ မိသားစုကြားမှာ ရှုပ်ထွေးနေတဲ့ဘဝကို ရိုက်ကူးထားခြင်းပဲဖြစ်ပါတယ်။ရာစုနှစ်အိမ်တော်မှာ နေထိုင်ရင်း သူ့ဘဝထဲကို ဒမ်ယောအူးလ်(Bae Suzy)ဝင်ရောက်လာတဲ့အခါမှာတော့.....အချိန်ကြာလာတာနဲ့အမျှ ပေါက်ဖွားလာတဲ့ အချစ်တွေကြောင့် ဂန်ချီတစ်ယောက်ဟာ ချစ်ရသူတွေနဲ့အတူ သာမန်လူသားတစ်ယောက်လို ရှင်သန်နိုင်ဖို့အတွက် ရှေးဟောင်းဒဏ္ဍာရီလာ "ဂူမိသားစုကျမ်းစာအုပ်" ကို ရှာဖွေဖို့ ကြိုးစားပါတော့တယ်။သူ့ရဲ့ ရည်ရွယ်ချက်ကတော့ ချစ်ရသူ ဒမ်ယောအူးလ်နဲ့အတူ လူသားစစ်စစ်တစ်ယောက်လို လွတ်လပ်စွာ၊ အေးချမ်းတဲ့ဘဝကို နေထိုင်ချင်တာပဲ ဖြစ်ပါတယ်။ဒါပေမဲ့ လောကကြီးတစ်ခုလုံး ပရမ်းပတာတွေ ဖြစ်လာတဲ့အခါမှာတော့… အရာအားလုံးကို ပြန်လည်စနစ်တကျဖြစ်အောင် လုပ်ဆောင်ဖို့ ကြိုးစားရပါတော့တယ်။တစ်ချိန်တည်းမှာပဲ မိမိရဲ့ ပင်ကိုယ်ဗီဇလက္ခဏာနဲ့ လက်တွေ့ဘဝကြား ပဋိပက္ခတွေက ကြီးလာတဲ့အခါ… သူ့ရဲ့ရွေးချယ်မှုက မှန်နေသေးမလား.... ဒမ်ယောအူးလ်ရဲ့ အချစ်ကရော သူ့ကို ထိန်းကျောင်းပေးနိုင်ပါဦးမလား...အလွမ်း၊ အဆွေး၊ အမုန်းနဲ့ အတွေးအခေါ်ကို တစ်ပြိုင်နက်တည်း ရရှိစေတဲ့ ဒီဇာတ်လမ်းတွဲဟာ မိသားစုအတွက်ရော ကိုယ့်အတွက်ပါ လူသားတစ်ဦးရဲ့ "တန်ဖိုး" ဆိုတာ ဘာလဲဆိုတာကို ပြန်စဉ်းစားစေမယ့် ရုပ်ရှင်တစ်ကားဖြစ်တဲ့အတွက် အတူတူကြည့်ရှုခံစားလိုက်ကြရအောင်ပါနော်။