Star Wars: Maul - Shadow Lord FHD

Star Wars: Maul - Shadow Lord

နောက်ခံဇာတ်ကြောင်းအကျဉ်းဒီဇာတ်လမ်းက Clone Wars ပြီးသွားတဲ့အချိန်၊ တစ်နည်းအားဖြင့် သမ္မတနိုင်ငံကြီးပြိုကွဲပြီး Galactic Empire အင်ပါယာကြီး စတင်အာဏာရလာတဲ့ အချိန်ကာလကို အခြေခံထားတာပါ။ အတိအကျပြောရရင် Clone Wars အပြီး တစ်နှစ်လောက်အကြာမှာ ဇာတ်အိမ်တည်ထားတာဖြစ်ပါတယ်။ အင်ပါယာက ဂျက်ဒိုင်းတွေကို လိုက်လံနှိမ်နင်းနေတဲ့ ကာလဖြစ်ပေမယ့် ဂလက်ဆီထဲက ဂြိုဟ်တချို့ကတော့ အင်ပါယာရဲ့ အုပ်ချုပ်မှုအောက်ကနေ လွတ်ကင်းနေတုန်းပဲ။ အဲဒီလို လွတ်ကင်းနေတဲ့ ဂျဲနစ်စ် ဆိုတဲ့ ဂြိုဟ်လေးပေါ်ကို အဓိက ဇာတ်အိမ်တည်ထားတာဖြစ်ပါတယ်။ဇာတ်လမ်းအညွှန်းအရင်က ဆစ်သ် လော့ဒ်ဟောင်း တစ်ဦးဖြစ်တဲ့ မောလ် က အင်ပါယာလက်လှမ်းမမီတဲ့ ဂျဲနစ်စ် ဂြိုဟ်ပေါ်မှာ သူ့ရဲ့ ရာဇဝတ်ဂိုဏ်းကို ပြန်လည်တည်ဆောက်ဖို့ ရောက်လာခဲ့တယ်။ ဒီဂြိုဟ်မှာ မောလ် က ဒက်ဗွန် အီဇာရာ ဆိုတဲ့ တပည့်အသစ်လေးတစ်ယောက်ကို လက်ခံသင်ကြားပေးရင်း သူ့အင်အားကို ပြန်စုစည်းဖို့ ကြိုးစားပါတော့တယ်။ဒါပေမယ့် အရာရာက သူထင်သလောက်တော့ လွယ်မနေခဲ့ဘူး။ ဂျဲနစ်စ် ဂြိုဟ်က ရဲအရာရှိ ဘရန်ဒါ လောဆန် နဲ့ သူ့ရဲ့ လက်ထောက်စက်ရုပ် တူးဘုစ် တို့က မောလ် ရဲ့ အစီအစဉ်တွေကို ဝင်နှောင့်ယှက်တဲ့အခါမှာတော့ အကြိတ်အနယ် အက်ရှင်ခန်းတွေ စတင်ပါတော့တယ်။ဒီဇာတ်လမ်းတွဲက စုစုပေါင်း အပိုင်း ၁၀ ပိုင်း ပါဝင်မှာဖြစ်ပြီး တော်တော်လေး သွက်တဲ့ အက်ရှင်ကားအမျိုးအစားပါ။ အရင်ကားတွေမှာ မမြင်ဖူးခဲ့တဲ့ မောလ် ရဲ့ ဇာတ်ကောင်စရိုက် အသစ်တွေကို မြင်ရမှာဖြစ်သလို၊ လူဆိုးနဲ့ ပိုဆိုးတဲ့လူဆိုးတွေကြားက အားပြိုင်မှုတွေကို ရင်ခုန်စရာ ကြည့်ရမယ့် ကားကောင်းတစ်ကားဖြစ်ပါတယ်။