MDb မှာ 7.4/10 နဲ့ Rotten Tomatoes မှာ ဝေဖန်သူအဆင့်သတ်မှတ်ချက် 78% ရရှိထားတဲ့ ဒီဇာတ်လမ်းတွဲဟာ ဆွီဒင်စာရေးဆရာ Ronnie Sandahl ဖန်တီးပြီး Jonas Bonnier ရဲ့ ၂၀၁၇ ဝတ္ထုကို အခြေခံထားတဲ့ အက်ရှင်ဒရမ်မာဇာတ်လမ်းတွဲဖြစ်ပါတယ်။ ၂၀၀၉ ခုနှစ်မှာ စတော့ခ်ဟုမ်းမြို့ ဗက်စ်ဘာဂါဆင်ခြေဖုံးမှာ ဖြစ်ပွားခဲ့တဲ့ တကယ့်ဘဏ်ဓားပြမှုကို အခြေခံထားပြီး၊ ဒီဇာတ်လမ်းတွဲဟာ ရဟတ်ယာဉ်တစ်စီးနဲ့ G4S ငွေတိုက်ကို ဓားပြတိုက်တဲ့ အကြီးကျယ်ဆုံးရာဇဝတ်မှုတစ်ခုကို ဇာတ်အိမ်ဖွဲ့ထားပါတယ်။ဇာတ်လမ်းအကျဥ်းငယ်သူငယ်ချင်းနှစ်ဦးဖြစ်တဲ့ ရာမီနဲ့မီချယ်တို့ဟာ ငယ်ငယ်ကတည်းက ခိုးရတာကို ဝါသနာထုံခဲ့ပြီး ဖောက်ထွင်းမှု၊လုယက်မှုများစွာကို ကျူးလွန်ပြီး ပျော်မွေ့နေကြတဲ့သူတွေပါ။ တနေ့တော့ ရာမီရဲဘဝကို ပြောင်းလဲပေးမယ့်သူ ကာရင်ဆိုတဲ့မိန်းကလေးတစ်ယောက်ပေါ်လာခဲ့ပါတယ်။ ရာမီနဲ့ကာရင်တို့ဟာ လက်ထပ်ခဲ့ကြပြီး ရာမီဟာ သာမန်ဘဝနဲ့မိသားစုကို ရှာဖွေကျွေးမွေးနေခဲ့တာပါ။ သူရဲ့ကြိုးစားမှုတွေထဲက တစ်ခုဟာ အလိမ်ခံလိုက်ရပြီး ငွေကြေးအခက်အခဲတွေရှိလာခဲ့ပါတယ်။ အဲဒီတော့ ငယ်သူငယ်ချင်းမီချယ်နဲ့ပြန်တွေ့ပြီး သူတို့ဟာ ဆွီဒင်နိုင်ငံရဲ့ လုံခြုံမှုအကောင်းဆုံး ငွေတိုက်ကို ဖောက်ဖို့ အစီအစဉ်ဆွဲပါတော့တယ်။ ဒီဖောက်ထွင်းမှုမှာ ရဟတ်ယာဉ်တစ်စီးကို အသုံးပြုပြီး သန်းပေါင်းများစွာတန်ဖိုးရှိတဲ့ ငွေတွေကို ဘယ်လိုများသယ်ထုတ်သွားမလဲ...ဘယ်လိုအခြေအနေမျိုးတွေက ဇာတ်လမ်းကိုအလှည့်အပြောင်းဖြစ်သွားစေမလဲဆိုတာ Heist ဇာတ်ကားကြိုက်တဲ့ပရိသတ်တွေအတွက် အကြိုက်တွေ့စေမယ့်ဇာတ်လမ်းလို့ပြောချင်ပါတယ်။