ဒီတစ်ခါ ပရိသတ်ကြီးအတွက် ပေါ့ပေါ့ပါးပါး ဂျပန် စီးရီးလေးတစ်ခုနဲ့ မိတ်ဆက်ပေးပါမယ်။ကျောင်းဆရာမင်းသားကလည်း ချစ်စရာလေးအပြင် မင်းသမီးလေးကလည်း မျက်လုံးဝိုင်းလေးနဲ့အရမ်းလှတာကြောင့် သူတို့နှစ်ယောက်ကို ထိုင်ကြည့်ရရုံနဲ့တင် အမောပြေစေမှာပါ။ဇာတ်လမ်းကတော့ ..တက္ကသိုလ်ဝင်စာမေးပွဲအဆင့်မှာ အောင်မြင်တဲ့ အမှတ်တွေ ရရှိထားပေမယ့် စိတ်ဓာတ်ကျတတ်တဲ့အထက်တန်းကျောင်းသူလေး အိုချိအိုင်က….အတန်းထဲမှာ တစ်ဦးတည်းနေတတ်ပြီး သူငယ်ချင်းမရှိ ချစ်သူမရှိ အိမ်မှာလည်း တစ်ယောက်တည်း နေပါတယ်…အတန်းထဲမှာ သူ့ဘေးနားကို လာထိုင်တဲ့ ရွယ်တူကောင်လေးက သူ့အပေါ်မှာ ဖော်ရွေရင်းနှီးပေးပြီးအမြဲတမ်း ပြုံးပြတတ်တာကြောင့် သဘောကျသွားခဲ့ပါတယ်….စိတ်ကို ပြင်ဆင် မျှော်လင့်ပြီး ဖွင့်ပြောခဲ့ပေမဲ့ ထင်သလို မဖြစ်ခဲ့တာကြောင့် စိတ်ဓာတ်ကျ အရှက်ရပြီး ကိုယ့်ကိုယ်ကိုယ် အဆုံးသတ်ဖို့ ကြိုးစားခဲ့ပါတယ်တစ်နေ့ .. မှုန်မှိုင်းတဲ့ သူ့ဘဝလေးထဲကို နေမင်းကြီးလို အနွေးဓာတ်ပေးတတ်တဲ့ ပျော်ပျော်နေတတ်သူအထက်တန်း ကျောင်းဆရာလေး ရောက်လာတဲ့ အချိန်မှာတော့ သူ့ရဲ့ အခိုက်အတန့်လေးတိုင်းဟာဖြည်းဖြည်းချင်း ပြောင်းလဲလာပါတော့တယ်…ကြည့်စရာတွေ အရမ်းများပြီး ဘာကြည့်လို့ ကြည့်ရမှန်းမသိတဲ့ သူတွေအတွက် ဒီကားလေးကိုကြည့်ဖို့recommend ပေးပါတယ်နော်။ တကယ်ကို ကြည့်ရင်း ကြည်နူးပြီး စောင်ကိုက်ရမယ့် ရိုမန့်ကားကောင်းတစ်ကားပါ။