ဒီတစ်ခေါက်မှာတော့ Idol ချောချောလှလှလေးတွေ ပါဝင်သရုပ်ဆောင်ထားတဲ့ Bromance ဆန်ဆန်အချစ်ဟာသ ဒရမ်မာသစ်လေးကို တင်ဆက်ပေးပါရစေ။Main Cast များအနေနဲ့ ASTRO အဖွဲ့ဝင် Yoon San-Ha ၊ Oh My Girl အဖွဲ့ဝင် Arin ၊ Bitch x Rich S1 ထဲကမင်းသားချော Yoo Jung-Hoo နဲ့ Chuu တို့ ပါဝင်သရုပ်ဆောင်ထားကြပါတယ်။– ဇာတ်လမ်းအကျဉ်း –ဘတ်ယွန်းဂျယ် (Yoon San-Ha) ဟာဆိုရင် နက္ခတ္တဗေဒ မေဂျာယူထားတဲ့ တက္ကသိုလ်ကျောင်းသားလေးတစ်ယောက်ပါ။ ယွန်းဂျယ် တက္ကသိုလ်စတက်ပြီးနောက် ပထမဆုံးလုပ်ဖူးတဲ့ ဘလိုင်းဒိတ်မှာတင် ဂင်ဂျီအွန်း (Arin) ဆိုတဲ့ ကောင်မလေးနဲ့ ဆုံတွေ့ခဲ့ပြီး မြင်မြင်ချင်းချစ်မိသွားကာ နှစ်ဦးသား ချစ်သူတွေ ဖြစ်သွားကြပါတော့တယ်။ဂန်မင်ဂျူ (Chuu) ကတော့ တက္ကသိုလ်မှာ အရမ်း နာမည်ကြီးတဲ့ကောင်မလေးဖြစ်ပြီး ယွန်းဂျယ်ကို တစ်ဖက်သတ်ကြိုက်နေသူပါ။ ဒီလိုနဲ့ တစ်နေ့မှာ ရုတ်တရက်ကြီး ဂျီအွန်းက ယောက်ျားလေးအဖြစ်နဲ့ ယွန်းဂျယ်ရှေ့ကို ရောက်လာတဲ့အခါမှာတော့…ယွန်းဂျယ်နဲ့ ယောကျ်ားလေးအဖြစ် ပြောင်းလဲသွားတဲ့ ဂျီအွန်းတို့ရဲ့ ချစ်သူဆက်ဆံရေးက အရင်လို ဆက်လက်ခိုင်မြဲနေပါဦးမလားယွန်းဂျယ် ၊ ဂျီအွန်း ၊ မင်ဂျူတို့ကြားမှာရော သုံးပွင့်ဆိုင်ဆက်ဆံရေးက ဘယ်လိုတွေ ရှုပ်ထွေးလာဦးမလဲဆိုတာကိုဟာသဆန်ဆန်လေးနဲ့ အရယ်အပြုံးမပြတ် ကြည့်ရှုရမှာဖြစ်လို့ အပတ်စဉ် ဗုဒ္ဓဟူး ၊ ကြာသပတေးနေ့တိုင်း CM နဲ့အတူ စောင့်မျှော်အားပေးကြစို့နော်။