2024 ရဲ့ နာမည်အကြီးဆုံး Kdrama တွေထဲက တစ်ခုဖြစ်တဲ့ အွန်နီး Park Min Young ရဲ့Marry My Husband ကို Japan remakeပြန်ရိုက်ထားတဲ့ ဂျပန်ဇာတ်လမ်းတွဲလေးကိုမျှော်နေသူတွေအတွက် CM teamကနေ အခုပဲ တင်ဆက်ပေးလိုက်ပါပြီ။မူရင်း South Korea ဇာတ်လမ်းကလည်း ရှယ်လောင်ရှယ်ကြမ်း ရှယ်လန်းတဲ့ ဇာတ်ကားကောင်းဆိုတာထွေထူးညွှန်းဖို့မလိုတဲ့အပြင် The Glory ဒါရိုက်တာကိုယ်တိုင် ရိုက်ကူးထားတဲ့ဇာတ်ကားကလည်းဖြစ်၊မင်းသားချော ဆာတိုတာခဲရုနဲ့ မင်းသမီး ကိုရှိဘဖုကာတို့က အကောင်းဆုံး သရုပ်ဖော်ထားတာဖြစ်လို့အခုပဲ လက်မနှေးတမ်းရှုစားဖို့ ဖိတ်ခေါ်လိုက်ရပါတယ်။မီဆာရဲ့ဘဝဟာ တစ်သက်လုံးမိသားစုကိုငဲ့ရ ခင်ပွန်းဖြစ်သူ တိုမိုယကို ပံ့ပိုးရ ပတ်ဝန်းကျင်ကလူတွေကို ကူညီရနဲ့ပဲ တစ်သက်လုံးဖြတ်သန်းခဲ့ရသူ…ဒါပေမဲ့ သူကိုယ်တိုင် နာမကျန်းဖြစ်လာပြီး နေရမယ့်ရက် လက်ချိုးရေရတဲ့အချိန်မှာတော့ရင်နင့်စရာ အမှန်တရားတစ်ခုက သူ့ကိုစောင့်နေပါသတဲ့။ အဲဒါကတော့ ချစ်ရတဲ့ခင်ပွန်းကအချစ်ရဆုံးသူငယ်ချင်း ရဲအိနနဲ့ ဖောက်ပြန်နေပြီး မီဆာသေရင်ရမယ့် အာမခံတွေကို အပိုင်စီးဖို့ကြံနေတယ်ဆိုတာပါပဲ။ ဒီလိုနဲ့ သူတို့အခြေအတင်ဖြစ်ကြပြီး နောက်ဆုံးမှာ မီဆာတစ်ယောက်တိုက်ပေါ်က တွန်းချခံရတဲ့အထိ အဖြစ်ဆိုးနဲ့ကြုံလိုက်ရတော့တာပေါ့။ဒါပေမဲ့ ကံကြမ္မာနတ်မင်းက မီဆာကိုသနားလို့ ဒုတိယအကြိမ် အခွင့်အရေးပေးခဲ့ပြီးလွန်ခဲ့တဲ့ ဆယ်နှစ်တာကာလကို ပြန်ရောက်သွားချိန်မှာတော့…တစ်ချိန်ကအမှားတွေကို ပြန်လည်ပြင်ဆင်ရင်း မီဆာတစ်ယောက် တိုမိုယနဲ့ ရဲအိနကိုဘယ်လိုလှလှပပ လက်စားချေပြမလဲဆိုတာ ရှုစားရမှာပါ။