Our Unwritten Seoul FHD

Our Unwritten Seoul

Comedy Drama FHD 2025

Youth of May ဇာတ်လမ်းတွဲရဲ့ ပဲ့ကိုင်ရှင် ဇာတ်ညွှန်းရေးဆရာက ရေးသားထားပြီး Jin Young နဲ့Park Bo Young တို့ နှစ်ယောက်ကို chemi မိမိတွေ့မြင်ရဦးမဲ့ romance ကားသစ်လေးရပါပြီ။Jinyoung တစ်ဖြစ်လဲ “အီဟိုဆူ” ကို အနေအေးပြီး ဥပဒေရုံးကြီးတစ်ခုက အလုပ်ကြိုးစားတဲ့ရှေ့နေတစ်ယောက်အဖြစ် မြင်တွေ့ရမှာဖြစ်သလို Park Bo Young ကိုလည်း “ယူမီဂျီ နဲ့ ယူမီရယ်” ဆိုတဲ့ရုပ်ရည်သွင်ပြင်ပဲတူပြီး အကျင့်စရိုက်က မိုးနဲ့မြေလိုကွာခြားတဲ့ အမြွှာညီအစ်မအဖြစ် ရှုစားရမှာပဲဖြစ်ပါတယ်။ တစ်နေ့တည်း တစ်ချိန်တည်း တစ်မအေတည်းကနေမွေးဖွားလာခဲ့တဲ့ အမြွှာညီမနှစ်ယောက်ထဲမှာအစ်မဖြစ်တဲ့ “ယူမီရယ်” နဲ့ ညီမဖြစ်တဲ့ “ယူမီဂျီ” တို့က ငယ်စဥ်ကလေးဘဝတည်းက အပြုအမူ၊အပြောအဆို၊ အနေအထိုင်၊ စိတ်နေစိတ်ထား ဘာဆိုဘာမှမတူခဲ့ပါဘူး။“မီရယ်” က စာတော်ပြီး အနေအေးပေမဲ့ “မီဂျီ” ကတော့ မဟုတ်မခံ ဆတ်ဆတ်ကြဲလေးရယ်ပါ။ဒီလိုနဲ့နေလာရင်း နှစ်ယောက်သားအရွယ်ရောက်လာကြတဲ့အခါ “မီရယ်” က အစိုးရပိုင်ကုမ္ပဏီကြီးတစ်ခုမှာအလုပ်ဝင်ပြီး အတည်တကျဖြစ်နေတဲ့အချိန် “မီဂျီ” ကတော့ အားကစားသမားလုပ်မယ်ဆိုပြီး ဘဝကိုပေါ့ပေါ့ပါးပါးဖြတ်သန်းဆဲပါပဲ။ဒါပေမဲ့ တစ်နေ့မှာ အလုပ်အကိုင်အတည်တကျနဲ့ ဘဝအခြေကျနေပြီလို့ထင်ရတဲ့ “မီရယ်” တစ်ယောက်လုပ်ငန်းခွင်မှာမပျော်ရွှင်တော့ဘဲ အရာရာကိုလက်လျှော့အရှုံးပေးချင်လာတဲ့အခါ ညီမဖြစ်တဲ့ “မီဂျီ” က“ဟိုးအရင်တုန်းကလိုမျိုး နင့်ကိုယ်စား ငါလုပ်ပေးမယ်” ဆိုပြီး နှစ်ယောက်သားနဲ့ဘဝကိုအလဲအလှယ်လုပ်လိုက်ပါတော့တယ်။တစ်ဖက်မှာလည်း တစ်ချိန်က “မီဂျီ” တို့နဲ့ အတန်းဖော်ဖြစ်ခဲ့ဖူးတဲ့ “ဟိုဆူ” က လက်ရှိမှာ ရှေ့နေတစ်ယောက်ဖြစ်နေပြီးအတိတ်ရဲ့ အဖြစ်အပျက် တချို့ကြောင့် ဘဝရဲ့ အပြောင်းအလဲ တချို့နဲ့ရင်ဆိုင်ခဲ့ရသူတစ်ယောက်ပါ။ဒီလိုနဲ့တစ်နေ့ကျ “ဟိုဆူ, မီရယ်, မီဂျီ” တို့သုံးယောက်သား မမျှော်လင့်ဘဲ ပြန်ဆုံဖြစ်ကြပြီး အဲဒီတွေ့ဆုံမှုကပဲသူတို့ရဲ့ တကယ့်အစစ်အမှန်ပုံစံကိုရှာဖို့ တွန်းအားတစ်ခုဖြစ်လာတဲ့အခါ ..။နှစ်ကိုယ်ခွဲအမြွှာညီအစ်မဆိုပေမဲ့ လူချင်းလဲလိုက်တာကြောင့် အကျင့်စရိုက်မတူတဲ့ လူနှစ်ယောက်ကိုဇာတ်ကောင် ၄ ဦးသဖွယ်သရုပ်ဖော်ရမဲ့ Park Bo Young အတွက် အရင်ထွက်ရှိခဲ့ဖူးတဲ့ ဇာတ်ကားတွေနဲ့မတူကွဲထွက်ပြီး challenge များတဲ့ကားလေးဖြစ်သလို ကြည့်ရှုသူပရိသတ်အတွက်လည်း သရုပ်ဆောင်ရောဇာတ်လမ်းပါ ပြောစရာမရှိ ကြည့်ရတန်မဲ့ကားလေးဖြစ်တာမို့ အပတ်စဥ် စနေ, တနင်္ဂနွေတိုင်း ကနေတင်ဆက်ပေးသွားမှာပဲဖြစ်ပါတယ်။