ဒီတစ်ခေါက် တင်ဆက်ပေးမဲ့ စီးရီးကတော့ Twenty Thousand Leagues Under the Seasဆိုတဲ့ ဝတ္ထုစာအုပ်ကို အခြေခံပြီးရိုက်ကူးထားတဲ့ Nautilus ဆိုတဲ့ စီးရီးပဲဖြစ်ပါတယ်။ ဒီစီးရီးဟာ ဗြိတိသျှနေမဝင်အင်ပါယာ ကြီးစိုးစဉ်ကာလကို အ‌ခြေတည်ထားတာပါ။ “ဗြိတိသျှအရှေ့အိန္ဒိယကုမ္ပဏီ”ဟာ ကိုယ်ပိုင်စစ်တပ်နဲ့ အခြားနိုင်ငံ တွေကို ကျူးကျော်သိမ်းပိုက်ပြီး သယံဇာတမြောက်မြားစွာကို ခိုးယူကာ အရှေ့တိုင်းနိုင်ငံ‌တွေကို လက်ဝါးကြီးအုပ်နေတာကြောင့် ဘယ်နိုင်ငံထက်မဆို အင်အားပိုကြီးတဲ့ အဖွဲ့အစည်းတစ်ခုဖြစ်လို့ နေပါတယ်။ အတောမသတ်နိုင်တဲ့လောဘနဲ့ တရုတ်စီးပွားရေး ဈေးကွက်ထဲ စိမ့်ဝင်နေရာယူချင်တာကြောင့် အစိုးရမသိအောင် ရေငုပ်သင်္ဘောတွေ ကြိတ်ပြီးတီထွင်လာပါတော့တယ်။ အဲဒီမှာ နော်တီလက်စ်ဆိုတဲ့ ရေငုပ်သင်္ဘောကို ဒီဇိုင်းဆွဲ တည်ဆောက်ပေး‌နေတဲ့ ဗြိတိသျှအ‌ရှေ့အိန္ဒိယကုမ္ပဏီရဲ့ အကျဉ်းသားတွေဖြစ်တဲ့ နီမိုနဲ့ ဘန်ဟွာတို့ဟာ အဖွဲ့သားတွေနဲ့အတူ နော်တီလက်စ်ရေငုပ်သင်္ဘောကြီးကိုခိုးယူကာ ကုမ္ပဏီ လက်အောက်ကနေ ထွက်ပြေးပါတော့တယ်။ နီမိုနဲ့ဘန်ဟွာတို့ဟာ ဒီရေငုပ်သင်္ဘောကိုခိုးပြီး ပြင်သစ်ကို ထွက်ပြေးမယ်လို့ သဘောတူထားခဲ့ကြပေမဲ့ တကယ်တမ်းကျ နီမိုဟာ Pillars of Halvarမှာရှိတဲ့ ဒဏ္ဍာရီလာ ရတနာသိုက်ဆီ သွားဖို့ဆုံးဖြတ်ထားပြီးသားပါ။ ဒီလိုနဲ့ Nautilus ရေငုပ်သင်္ဘောကြီးနဲ့အတူ ကပ္ပတိန်နီမိုတို့တွေ ရတနာသိုက်ဆီစွန့်စားခန်းထွက်တာကို ကောင်းကောင်းကြီး ကြည့်ရှုရမှာပဲဖြစ်ပါတယ်။ စွန့်စားခန်းဆိုတဲ့အတိုင်းပဲ မထင်မှတ်ထားတဲ့ အခက်အခဲတွေ၊ ပင်လယ်မိစ္ဆာကြီးတွေ၊ ပင်လယ်ရေအောက်အလှအပတွေကိုပါ တစ်ပါတည်းခံစားကြည့်ရှုနိုင်မှာဖြစ်လို့ အချိန်ပေးရတာနဲ့တန်မဲ့ စီးရီးဖြစ်ကြောင်း ညွှန်းဆိုလိုက်ပါရစေ။

အပိုင်းများ

Season 1