ဇာတ်လမ်းအစမှာ လူစီဆိုတဲ့ မိန်းမတစ်ယောက် နိုးလာတာနဲ့စတယ်။ နိုးလာတယ်ဆိုပေမဲ့ သူ့မှာ အရင်တုန်းကဆိုတာမျိုးမရှိဘူး။ အခုမှဘွားခနဲမွေးလာသလိုပဲ။ ဒါပေမဲ့ သူက လူလတ်ပိုင်းဖြစ်နေပြီ။ လူလတ်ပိုင်းအမျိုးသမီးတစ်ယောက်ရဲ့အသိဉာဏ်မျိုးလည်းရှိနေတယ်။ ခံစားချက် စဉ်းစားနိုင်စွမ်း အကုန်ရှိနေတယ်။ လိုအပ်တာဘာမှမရှိဘူး။ ဒါပေမဲ့ တစ်ခုတော့လိုနေတယ်။ သူ့မှာအတိတ်မရှိနေဘူး။ ဒီလိုနဲ့ သူက သူ့ဟာ 4Dနဲ့ပရင့်ထုတ်ထားတဲ့ စက်ကထုတ်ထားတဲ့ လူကလုန်းမှန်း သူ့ကိုယ်သူသိသွားတယ်။ နောက်ပိုင်း ထွက်ပြေးပြီး သူ့ဘာသာဇာတ်မြုပ်ပြီးနေနေရင်း အတိတ်မရှိခဲ့ပေမဲ့ အတိတ်တစ်ခု ဘဝတစ်ခုရှိလာအောင် တည်ဆောက်နေတုန်း သူ့ကိုဖန်တီးခဲ့တဲ့သူတွေက သူ့ကိုလာဖမ်းရင်း သူ့ဘဝကိုဖျက်ဆီးခဲ့ကြတယ်။ ဒီလိုနဲ့ သူ့ကိုဖန်တီးခဲ့တဲ့သူတွေကို အရင်ဇာတ်လမ်းဖြတ်ပြီးမှ သူ့ဘဝကို သူဖန်တီးနိုင်မယ်မှန်း သိသွားတဲ့နောက် သူဟာ သူ့ကိုဖန်တီးခဲ့တဲ့လူတွေကို လိုက်ရှာဖို့လုပ်တယ်။ ဒီလိုရှာရင်း သူနဲ့တစ်ပုံစံတည်းတူနေတဲ့ သူအငယ်စားကလုန်းလေးကိုလည်း ထပ်တွေ့လိုက်ရတယ်။ အဲဒီကလုန်းမလေးနေရာကတော့ Amanda Fixက သရုပ်ဆောင်ထားတယ်။ သူလည်း တော်တော်လှတယ်။ ဒါရိုက်တာတူတယ်ဆိုတော့လည်း တူလိုက်လို့ရတဲ့အနေပါပဲ။ ဒီလိုနဲ့ သူနဲ့ သူ့လို ကလုန်းအငယ်စားလေးအတူတူ ပဟေဠိတွေကို အဖြေညှိကြတာကို စိတ်ဝင်စားစရာကြည့်ရမယ့်ဇာတ်လမ်းတွဲပါပဲ။