မင်းသား Song Joong-Ki၊ မင်းသမီး Kim Ji-Won နဲ့ Kim Ok-Bin တို့အဓိကပါဝင်ထားတဲ့ Arthdal Chroniclesဟာ ရှေးခေတ် အာစီဒါလ်ပြည်ထောင်စုကိုအခြေပြုပြီး ဖန်တီးထားတဲ့ စိတ်ကူးယဥ်ဇာတ်လမ်းတစ်ပုဒ်ပဲဖြစ်ပါတယ်။အွန်းဆောင်းဆိုတဲ့ သွေးနှောကောင်လေးဟာ ကံဆိုးမှုတွေကို ယူဆောင်လာပေးမယ့်ကံကြမ္မာနဲ့ မွေးဖွားလာတာဖြစ်ပြီး သွေးနှောဆိုတဲ့အတိုင်း လူသားတစ်ဝက်နယ်အန်ထာတစ်ဝက်ဖြစ်နေပါတယ်။အွန်းဆောင်းက မွေးကတည်းက မိခင်ဖြစ်သူနဲ့ လူသားတွေရန်ကို ရှောင်ရှားရင်းအီအာရခ် နယ်မြေမှာ ကြီးပြင်းလာခဲ့ရသလို သွေးနှောတွေကို ကြောက်ရွံ့စက်ဆုပ်ကြတဲ့အာစီဒါလ်ပြည်ထောင်စုမှာ ထာဂွန်းဟာ အာစီဒါလ်ပြည်သူတွေရဲ့ ထောက်ခံအားပေးမှုကိုရထားတဲ့ စစ်သည်သူရဲကောင်းဖြစ်နေပေမဲ့လည်း သွေးနှောဖြစ်နေတဲ့အတွက် လျှို့ဝှက်ပြီးနေလာခဲ့ရပါတယ်။ဒါပေမဲ့ တစ်ရက် ထာဂွန်းဟာ အွန်းဆောင်းတို့ ဝါဟန်မျိုးနွယ်စုတွေကို သုံ့ပန်းအဖြစ်ဖမ်းဆောင်းခေါ်ဆောင်သွားရာကနေ အွန်းဆောင်းက ပြန်လိုက်ကယ်ရင်း အွန်းဆောင်းတစ်ယောက်ထာဂွန်းရဲ့ မဟာလျှို့ဝှက်ချက်ကြီးကို သိသွားပါတော့တယ်။မျိုးနွယ်စုတွေရဲ့ အားပြိုင်မှုတွေ ဘာသာရေးအယူသီးမှုတွေစသည်ဖြင့် နယ်ချဲ့တိုက်ခိုက်မှုတွေမျိုးနွယ်စုအသေးလေးက အွန်းဆောင်းကရော ဘယ်လိုအခက်အခဲတွေနဲ့ ကြုံတွေ့ရမလဲ....သူ မသိသေးတဲ့ လျှို့ဝှက်ချက်ကရော ဘာများလဲ.. စသည်တို့ကို သရုပ်ဆောင်တွေမြိုင်မြိုင်ဆိုင်ဆိုင်နဲ့ စိတ်လှုပ်ရှားဖွယ် ကြည့်ရှုရမှာဖြစ်သလို ဘတ်ဂျက်အများကြီးသုံးပြီးရိုက်ကူးထားတာဖြစ်တဲ့အတွက်လည်း ဇာတ်ဝင်ခန်းများကို လှလှပပ ကြည့်ရှုခံစားရမှာပဲဖြစ်ပါတယ်။