မြို့ပြရဲ့မွန်းကြပ်မှုတွေနဲ့ဝေးရာ လူသူအရောက်အပေါက်နည်းတဲ့ အာမန်ဆိုကျွန်းပေါ်ကို ခရစ်စမတ်ပိတ်ရက်ပျော်ပွဲစားလာကြတဲ့ မိသားစုလေးဟာ အေးဆေးဖြတ်သန်းချင်လို့ ကျွန်းပေါ်ကိုလာပါတယ်ဆိုမှ ခရီးအစမှာတင်ပျားအုံတုတ်ထိုးမိလို့ ဒုက္ခနဲ့လှလှ ပေါင်းဖက်သွားလေရဲ့။ ခြံစည်းရိုးနဲ့တောင်ကာရံထားရတဲ့ဖြစ်ရပ်ဆန်းကြယ်သတ္တဝါတွေ။ ဆယ်ကျော်သက်လေးတွေရဲ့ထုံးစံအတိုင်း ကောင်မလေးရဲ့ တစ်ဇွတ်ထိုးဆန်မှုကြောင့် ပိုပိုဆိုးလာတဲ့ကိစ္စတွေ။ ဒေသခံကျွန်းသားတွေရဲ့ကိုးကွယ်ယုံကြည်မှုတွေ။ အလည်အပတ်လာတဲ့မိသားစုရဲ့မသိလိုက်တဲ့အမှားကြောင့် ပေးဆပ်လိုက်ရတဲ့တန်ဖိုး။ အသီးမစားအသားစား နွားတစ်ကောင်ကိုတောင်ယဇ်ပူဇော်ပေးရတဲ့မကောင်းဆိုးဝါးနတ်သူငယ်တွေ။ ကြမ်းကြုတ်လှတဲ့ဒီနတ်သူငယ်တွေကြားမှာ ဘယ်လိုရုန်းကန်ရှင်သန်မလဲ။ ဒီလိုဒီလိုကိစ္စတွေကြား ဘယ်လိုဆက်ဖြစ်မလဲဆိုပြီး စောင့်ကြည့်ရမယ့် Horror series လေးပါ။