ဒီဇာတ်လမ်းတွဲလေးကတော့ Friday 13th ဇာတ်လမ်းရဲ့ အဆက်ဖြစ်ပြီးတော့ ခရစ်စတယ်လိတ်ခ်ဆိုတဲ့ သစ်တောစခန်းထဲက ထူးခြားဆန်းကြယ်ဖြစ်ရပ်တွေကို ဇာတ်အိမ်တည်ထားပြီး သွေးသံတရဲရဲ ကြည့်ရှုရမဲ့ American Slasher ဇာတ်လမ်းတွဲလေးပဲ ဖြစ်ပါတယ်။ဇာတ်လမ်းအကျဉ်းကတော့ နယူးဂျာစီပြည်နယ်က ခရစ်စတယ်လိတ်ခ်ဆိုတဲ့ နယ်မြို့လေးမှာ ပန်နဲ့ ဂျေဆင်ဆိုတဲ့ သားအမိတို့ နေထိုင်ကြပြီး ဂျေဆင်ကတော့ အဖြေရှာမရတဲ့ ရောဂါလိုအရာတစ်ခု ရှိနေပြီး သူရဲ့ ဦးခေါင်းဟာလည်း ပုံပျက်ပန်းပျက် ဖြစ်နေပါတယ်။ပန်ကတော့ ခရစ်စတယ်လိတ်ခ် နွေရာသီစခန်းမှာ ထမင်းချက်အဖြစ် လုပ်ကိုင်နေပြီး သူ့သားကို အိမ်မှာ တစ်ယောက်တည်း ထားလို့မရတဲ့အတွက် နွေရာသီကျောင်းပိတ်ချိန်ဆို သူအလုပ်လုပ်တဲ့ နွေရာသီစခန်းမှာ ခေါ်ထားပါတယ်။ ဒါပေမဲ့ ဂျေဆင်ကတော့ အဲဒီစခန်းက ကလေးတွေက သူ့ကို အနိုင်ကျင့်တဲ့အတွက် အိမ်မှာပဲ နေချင်တဲ့သူပါ။ ဒီလိုနဲ့ တစ်နေ့မှာတော့ ဂျေဆင်တစ်ယောက် ရေနစ်ကာ ပျောက်ဆုံးသွားပြီး သေလား ရှင်လား မသိရဘဲ အဲဒီအကြောင်းက သတင်းစာထဲ ပါလာတဲ့အခါမှာ သားပျောက်လို့ ပူဆွေးနေတဲ့ အမေဖြစ်သူ ပန်နောက်ကို ထူးဆန်းတဲ့လူတွေက လိုက်လာပါတော့တယ်။ ဒီတော့ ပန်နဲ့ ဂျေဆင်က တကယ်တမ်း ဘယ်သူတွေလဲ၊ ဂျေဆင်ကတော့ တကယ်ပဲ သေသွားပြီလား၊ အဲဒီလူတွေကတော့ ပန်တို့နောက်ကို ဘာလို့ လိုက်နေတာလဲဆိုတာကို စိတ်ဝင်စားဖွယ် အဖြေရှာရမှာ ဖြစ်ပါတယ်။