ဘောလိဝုဒ်လောကရဲ့ လှပတောက်ပတဲ့နောက်ကွယ်မှာ ဖုံးကွယ်ထားတဲ့ အရှုပ်အထွေးတွေနဲ့ မထင်မှတ်တဲ့ အဖြစ်အပျက်တွေကို သရော်တဲ့ Netflix ရဲ့ The Ba***ds of Bollywood ဇာတ်လမ်းတွဲကတော့ ထွက်ရှိလာပါပြီ။ ဒါရိုက်တာဖြစ်တဲ့ Aryan Khan ရဲ့ ပထမဆုံးလက်ရာဖြစ်ပြီး စက်တင်ဘာ ၂၀၂၅ မှာ စတင်ပြသခဲ့တာဖြစ်ပါတယ်။ ဒီဇာတ်လမ်းတွဲမှာ Bobby Deol, Lakshya Lalwani, Sahher Bambba, Raghav Juyal တို့လို သရုပ်ဆောင်တွေ အများကြီးပါဝင်ပြီး ဘောလိဝုဒ်စူပါစတားတွေဖြစ်တဲ့ Shah Rukh Khan, Salman Khan, Karan Johar, Ranbir Kapoor တို့လို နာမည်Aကြီးတွေလည်း ဧည့်သည်သရုပ်ဆောင်အဖြစ် ပါဝင်ထားပါတယ်။ ဇာတ်လမ်းအကျဉ်းချုပ် ဇာတ်လမ်းအကြောင်းကတော့ ဒေလီမြို့ကနေ ဘောလိဝုဒ်ကို ရည်မှန်းချက်ကြီးကြီးနဲ့ ရောက်လာတဲ့ အက်စ်မန်ဆင်းဂ်ဆိုတဲ့ လူငယ်လေးရဲ့အကြောင်း ဖြစ်ပါတယ်။ သူ့ရဲ့ပထမဆုံးရုပ်ရှင်ကား အောင်မြင်ပြီးနောက်မှာ ဒီလောကရဲ့ မထင်ထားတဲ့အရာတွေနဲ့ ရင်ဆိုင်ရပါတော့တယ်။ အက်စ်မန်ဟာ နာမည်ကျော် မင်းသားကြီးတစ်ယောက်ရဲ့သမီးဖြစ်တဲ့ ကာရစ်ရှ်မာ နဲ့ ရုပ်ရှင်ရိုက်ကူးရင်း အချစ်ဇာတ်လမ်းတွေပါရောပြီး ရှုပ်ထွေးလာပါတော့တယ်။ ဒီဇာတ်လမ်းဟာ တကယ့်ဘောလိဝုဒ်ကဇာတ်လမ်းသရော်တဲ့ ပုံစံမျိုး ရိုက်ကူးထားတာပါ။ နာမည်ကြီးတွေရဲ့ အငြင်းပွားဖွယ်ရာ ကိစ္စတွေကို ဇာတ်လမ်းထဲမှာ ဟာသနှောပြီး ထည့်သွင်းထားပါတာတွေ့ရမှာပါ။ ဇာတ်လမ်းက ဖန်တီးထားတဲ့ ဇာတ်ကောင်တွေနဲ့ ဖြစ်ရပ်တွေဟာ ဘောလိဝုဒ်ရဲ့ တကယ့်အဖြစ်အပျက်တွေကို အခြေခံထားတာကြောင့် ကြည့်ရှုသူတွေကို စိတ်ဝင်စားစေမှာပါ။ အထူးသဖြင့် Shah Rukh Khan, Ranbir Kapoor တို့လို စူပါစတားတွေရဲ့ ဧည့်သည်သရုပ်ဆောင်အဖြစ် ပါဝင်မှုဟာ ပရိသတ်တွေအတွက် မကြည့်မဖြစ်လို့ ညွှန်းပေးချင်ပါတယ်။ The Ba***ds of Bollywood ဟာ ဘောလိဝုဒ်အကြောင်းကို စိတ်ဝင်စားတဲ့သူတွေအတွက် မဖြစ်မနေ ကြည့်သင့်တဲ့ ဇာတ်လမ်းတွဲတစ်ခုလို့ ပြောပါရစေ ရယ်စရာကောင်းတဲ့ ဟာသတွေ၊ မထင်မှတ်တဲ့ ဇာတ်ကွက်တွေနဲ့ နာမည်ကြီးသရုပ်ဆောင်တွေရဲ့ ပါဝင်မှုတွေကြောင့် အချိန်ကုန်တန်ပြီး ကြည့်ရတာတန်တဲ့ ဇာတ်လမ်းတွဲတစ်ခုဖြစ်လာမှာအသေအချာမို့ ဘာသာပြန်တင်ဆက်ပေးလိုက်ပါတယ်။