အိမ်ကြီးရှင် (၂၀၂၄) ဝါရင့်သရုပ်ဆောင်တွေရဲ့ ပြောင်မြောက်လှတဲ့သရုပ်ဆောင်ချက်တွေနဲ့အတူ ဇာတ်လမ်းရဲ့အရှုပ်အထွေးကို တစ်ဆင့်ချင်းအဖြေရှာရမယ့် Netflix ဇာတ်လမ်းတွဲသစ် “အိမ်ကြီးရှင်” ဒီဇာတ်ကားလေးမှာတော့ အလောင်ကားတို့ထုံးစံအတိုင်း လူချမ်းသာအသိုင်းအဝိုင်း ဒိတ်ဒိတ်ကြဲမိသားစုကြီးတစ်ခုရဲ့ လောဘရမ္မက် ငမ်းငမ်းတက်ပုံကို ရှုစားရမှာဖြစ်ပါတယ်။ ထိုင်းနိုင်ငံရဲ့ ကျိကျိတက်ချမ်းသာတဲ့ ဘီလီယံနာစိန်သူဌေးကြီးဖြစ်တဲ့ ထေဝါကျောက်မျက်လုပ်ငန်းပိုင်ရှင် ခွန်ရွန်ဂရိုဖ်တစ်ယောက် ထူးဆန်းတဲ့အဖြစ်အပျက်နဲ့ ရုတ်တရက်ဆုံးပါးသွားတဲ့အခါ ဆက်ခံသူလည်းမရွေးထား သေတမ်းစာအကြောင်းအရာကိုလည်း တိတိပပမသိရသေးတဲ့ သားနှစ်ယောက်ဖြစ်တဲ့ မာဝင်နဲ့ဖူဖတ်နဲ့ သူတို့ရဲ့မိသားစုတွေ တစ်ဖက်က သူဌေးကြီးရဲ့အသည်းစွဲလေးဖြစ်တဲ့ ဇနီးအသစ်စက်စက်လေး ခိုင်မွခ် တစ်ဖက်က ရမယ့်အမွေကလည်း ဆယ်ဘီလီယံတန်ကြေးရှိတဲ့ကျောက်မျက်လုပ်ငန်းကြီးဖြစ်နေတဲ့အခါ လောဘကိုရှေ့တန်းတင်လို့ ဒီလူတစ်စုကြားက အညှာအတာမဲ့ တိုက်ခိုက်မှုတွေ အရှုပ်အရှင်းတွေကို ဘယ်လိုမြင်ရမလဲဆိုတာ ရှုစားကြရအောင်ပါ။