“တကယ်ပျောက်နေတာ ဘယ်သူလဲ” “သူတို့က တစ်ယောက်တည်းလား?” “သတိပေးစာတွေက ဘယ်သူလုပ်နေတာလဲ?” ဒါတွေကတော့ Echoes စီးရီးရဲ့ အပိုင်းတိုင်းမှာ လူမေးအများဆုံး မေးခွန်းတွေပါ။ ကြည့်ရှူသူတွေရော translator တွေပါ ခေါင်း ခြောက်ရတဲ့ ရှုပ်ထွေးတဲ့ ဇာတ်အိမ်မျိုးမို့ အဖြေရှာရတာ ကြိုက်တဲ့ သူတွေဆိုရင် ဒီစီးရီးကကြည့်ကိုကြည့်သင့်ပါတယ်။ ဂျီနာ နဲ့ လန်နီ တို့က အက်ခိုးတောင်မှာ မွေးဖွားကြတဲ့ အမြွှာညီအစ်မ နှစ်ဦးပါ။ ဂျီနာက အိမ်ထောင်ကျပြီးနောက် အယ်လ်အေမှာပဲ ပြောင်း ရွှေ့နေထိုင်နေတဲ့သူဖြစ်ပါတယ်။ လန်နီကတော့ အက်ခိုးတောင်မှာပဲ မြင်းမွေးမြူရေးစခန်းတွေဆောက်ပြီး မိသားစုဘဝလေးကို တည်ထောင် ထားတဲ့သူပါ။ တစ်ရက်မှာတော့ လန်နီတစ်ယောက် မြင်းအိမ်ထဲကနေ ရုတ်တရက်ပျောက်ဆုံးသွားပြီး အစရှာမရ ဖြစ်သွားခဲ့ပါတယ်။ လန်နီ့ကို ရှာဖို့ ဂျီနာ အိမ်ကို ပြန်လာခဲ့ပြီးနောက်မှာ တစ်စစီဖျက်ဆီးခံထား ရတဲ့ အရုပ်မတွေနဲ့ ထိတ်လန့်ဖွယ် ခြိမ်းခြောက်မှုတွေ စတင်ကြုံတွေ့ရပါ တော့တယ်။