ဒီကားလေးထဲမှာတော့ ယွီမုန် (Yu Meng) ဆိုတဲ့ ကောင်မလေးအကြောင်းကို ရိုက်ပြထားတာပါ။ သူက ကျန်းစု၊ ကျဲ့ကျန်း၊ ရှန်ဟိုင်း (Jiangsu-Zhejiang-Shanghai) ဒေသဘက်က တစ်ဦးတည်းသော သမီးလေးဖြစ်သလို၊ အင်တာနက်ပေါ်မှာလည်း နာမည်ကြီးတဲ့ ဘလော့ဂါတစ်ယောက်ပေါ့။ လူတိုင်းကတော့ သူ့ကို ပြည့်စုံလွန်းတဲ့ ဘဝပိုင်ရှင်လေးဆိုပြီး အားကျနေကြတာ။ဒါပေမယ့် သူတို့ရဲ့ ၅ နှစ်ပြည့် မင်္ဂလာနှစ်ပတ်လည်နေ့လေးမှာပဲ အပြစ်ပြောစရာမရှိဘူးလို့ ထင်ရတဲ့ သူ့ရဲ့ ပျော်ရွှင်စရာ ဘဝလေးက ရုတ်တရက် ပြိုလဲသွားပါတော့တယ်။ စံပြယောကျ်ားလို့ ထင်ခဲ့ရတဲ့ သူ့ခင်ပွန်းကလည်း ထင်သလို ဖြစ်မလာတော့ဘဲ သူတို့ရဲ့ အိမ်ထောင်ရေးက စပြီး အက်ကွဲလာတယ်။ အဲ့ဒီအပြင် သူ့အနေနဲ့ ငွေကြေးအရ အမြတ်ထုတ် ခေါင်းပုံဖြတ်ခံရမယ့် အန္တရာယ်တွေနဲ့ပါ ရင်ဆိုင်လာရတယ်။ ဒီလို အခက်အခဲတွေကြားထဲမှာမှ သူငယ်ချင်းတွေရဲ့ ဖေးမကူညီမှုနဲ့အတူ ယွီမုန်တစ်ယောက် သူ့ဘဝကို ပြန်လည်သုံးသပ်ပြီး သူ့ဘဝရဲ့ ထိန်းချုပ်ခွင့်ကို ပြန်ရအောင် ဘယ်လို ကြိုးစားတိုက်ပွဲဝင်သွားမလဲ ဆိုတာကို အားပေးကြည့်ရှုရမယ့် ဇာတ်ကားကောင်းလေး ဖြစ်ပါတယ်။