၁၉၈၁ ခုနှစ် လော့သ်အိန်ဂျလိစ်မြို့ရဲ့ ချမ်းသာကြွယ်ဝတဲ့ အထက်တန်းကျောင်းသားတစ်စုကြားမှာ ဇာတ်လမ်းစထားတာပါ။ စာရေးဆရာဖြစ်ဖို့ အိပ်မက်မက်နေတဲ့Bret ဆိုတဲ့ကျောင်းသားလေးဟာ သူတို့ကျောင်းဆီ ရောက်ရှိလာတဲ့ လျှို့ဝှက်ဆန်းကြယ် ရုပ်ရည်ချောမောတဲ့ ကျောင်းသားသစ် Robert Mallon နဲ့ တွေ့ဆုံခဲ့ပါတယ်။ အဲဒီအချိန်မှာပဲ မြို့အတွင်းမှာ "The Trawler" လို့ အမည်ရတဲ့ ရက်စက်လွန်းလှတဲ့ အမှတ်စဉ်လူသတ်သမားတစ်ယောက်ပေါ်ထွက်လာပြီး ကျောင်းသားအရွယ် လူငယ်တွေကို အစဉ်လိုက်ပစ်မှတ်ထား သတ်ဖြတ်လာခဲ့ပါတယ်။ ကျောင်းသားသစ် ရောက်လာတာနဲ့ အမှတ်စဉ်သတ်ဖြတ်မှုတွေ စတင်လာတာဟာ တိုက်ဆိုင်မှုမဟုတ်ဘူးလို့ Bret က သံသယဝင်မိရင်း Robert ရဲ့ အတိတ်နဲ့ လျှို့ဝှက်ချက်တွေကိုလိုက်လံစုံစမ်းပါတော့တယ်။ ဒါပေမဲ့ သူ့ရဲ့ သံသယတွေကို စိတ္တဇဖြစ်နေတာပါဆိုပြီး သူငယ်ချင်းတွေနဲ့ ပတ်ဝန်းကျင်က လက်မခံကြတဲ့အခါမှာတော့ စိတ္တဇဖိအားတွေ၊ လူငယ်တို့ရဲ့ စိတ်အလိုလိုက်မှုတွေနဲ့အတူအန္တရာယ်ရှိလှတဲ့ သတ်ဖြတ်သူရဲ့ ပစ်မှတ် မဖြစ်ရအောင် အသည်းအသန် ရုန်းကန်ရမယ့် သည်းထိတ်ရင်ဖို Drama ဇာတ်လမ်းတွဲကောင်းတစ်ကားပဲ ဖြစ်ပါတယ်။