GMMTV ရဲ့ အချစ်တော် ဒိတ်ဒိတ်ကြဲ BL စုံတွဲကြီးဖြစ်တဲ့ Pond နဲ့ Phuwin (Thee-Peach) တိုရဲ့ အသစ်စက်စက် Romance / Comedy Mini-series လေး ရောက်ရှိလို့လာပါပြီ။ဒီကားလေးက အဆက်ထွက်တဲ့ကားဆိုတော့ ရှေ့ကားဖြစ်တဲ့ "Me and Thee" အကြောင်းကို အရင်နည်းနည်း ပြန်နွှေးရရင် - ရှေ့ကားတုန်းကတော့ Thee နဲ့ Peach တိုနှစ်ယောက်ရဲ့ အလွဲလွဲအချော်ချော်နဲ့ စတင်ခဲ့တဲ့ အချစ်ခရီးလမ်း၊ တစ်ယောက်ကိုတစ်ယောက် နားလည်မှုတွေယူပြီး နောက်ဆုံးမှာ ပရိသတ်တွေ အားရပါးရ သဘောကျခဲ့ရတဲ့မင်္ဂလာဆောင်ကြီးနဲ့ ပျော်ရွှင်စွာ အဆုံးသတ်ခဲ့တာကို မှတ်မိကြဦးမှာပါ။အခု ဒီ Part 2 "Peach and Me" မှာတော့ - "မင်္ဂလာဆောင်ပြီးရင် အေးဆေးဖြစ်သွားမယ်ထင်တာ... ပိုတောင် ဆိုးလာသေးတယ်" ဆိုတဲ့အတိုင်း မင်္ဂလာဦးသက်တမ်းမှာ အချစ်တွေ ပိုလျှံပြီး ဖြစ်လာတဲ့ အလွဲလေးတွေကနေ ဇာတ်လမ်းကို စတင်ထားပါတယ်။ထီတစ်ယောက် မင်္ဂလာဆောင်ပြီးကတည်းက သူ့ရဲ့အမျိုးသားလေးဖိချ်ကိုအရိပ်တကြည့်ကြည့်နဲ့ အချစ်တွေ ဂျူတီလွန်နေပါတော့တယ်။ ဘယ်လောက်တောင် ကဲသလဲဆိုရင် မင်္ဂလာဦး ဟန်းနီးမွန်းဆိုပြီး ၆ လ တိတိ Weekend တိုင်း ဟန်းနီးမွန်းတွေ ဆက်တိုက်ခေါ်သွားလွန်းလို့ နောက်ဆုံး ဖိချ်ခမျာ အလုပ်တောင် ကောင်းကောင်းမလုပ်ရတော့တဲ့ အခြေအနေအထိ ဖြစ်လာပါလေရော။ဒီတော့ အလုပ်လေး အာရုံစိုက်ပါရစေဦးဆိုပြီး ထီဆီကနေ အချိန်တောင်းရတဲ့အထိ ဖြစ်လာတော့တာပေါ့။တစ်ဖက်မှာလည်း ရုမ်းက အာဆင်နီ ရဲ့ ခေါင်းဆောင်နေရာကို အပိုင်သိမ်းပြီး တာဝန်ယူလိုက်ချိန်မှာထီတစ်ယောက်လည်း GMM THEE V က သူ့ရဲ့ အလုပ်တွေဘက်ကို မဖြစ်မနေ ပြန်ပြီး အာရုံစိုက်ရမယ့် အလှည့်ရောက်လာပါတယ်။အလုပ်တစ်ဖက်၊ အချစ်တစ်ဖက်နဲ့ ထီတစ်ယောက် သူချစ်ရတဲ့ ဖိချ် ကို ဘယ်လိုတွေ ဆက်ပြီး အချစ်ပိုဦးမလဲ... အိမ်ထောင်သည်ဘဝရဲ့ အလွဲလေးတွေ၊ ချစ်စရာ ကတောက်ကဆလေးတွေကို ဘယ်လို ရင်ခုန်စရာကောင်းအောင် ဖြေရှင်းကြမလဲဆိုတာကိုတော့…Rom-Com Genre ပီပီ GMMTV ရဲ့ ထုံးစံအတိုင်း ပေါ့ပေါ့ပါးပါးနဲ့ ရယ်လည်းရ၊ရင်လည်းခုန်ရမဲ့ Feel-good vibe အပြည့် နဲ့ ပွဲထွက်လာမှာဖြစ်ပြီးမင်းသားချော Pond Naravit နဲ့ Phuwin Tangsakyuen တိုရဲ့ Best Duo Chemistry ကတော့ အထူးတလည် ညွှန်းနေစရာတောင် မလိုအောင် ရှယ်မိုက်နေမှာ အသေအချာပါပဲ။