"လူငယ်ဘဝကနေ လူကြီးတစ်ယောက်ဖြစ်လာဖို့ဆိုတာ မျက်ရည်တွေ၊ အချစ်တွေနဲ့ အရင်းတည်ပြီး အတွေ့အကြုံယူရတာမျိုး..." ထိုင်းဒရာမာ/ရိုမန့်စ် ဇာတ်ကားကောင်းလေးတွေကို မျှော်နေတဲ့ ပရိသတ်တွေအတွက် အသစ်စက်စက် ထွက်ရှိလာမယ့် ဇာတ်လမ်းတွဲသစ်လေးကို တင်ဆက်ပေးလိုက်ပါတယ်။ ဒီဇာတ်လမ်းလေးဟာ မြန်ဆန်လွန်းတဲ့ ခေတ်ကြီးထဲမှာ အချစ်၊ အိပ်မက်နဲ့ ရှင်သန်ရပ်တည်ရေးအတွက် ရုန်းကန်နေရတဲ့"Gen Me" လို့ခေါ်တဲ့ လူငယ်သူငယ်ချင်းတစ်စုအကြောင်းကို ရိုက်ကူးထားတာပါ။ လူငယ်ဘဝကနေ လူကြီးဘဝကို ကူးပြောင်းရတဲ့အခါ ဘယ်သူမှ ငြင်းဆန်လို့မရတဲ့တာဝန်ဝတ္တရားတွေ၊ ဖိအားတွေကြားမှာ သူတို့တွေ ဘယ်လို ရုန်းကန်ကြမလဲ။ အချစ်ရေးနဲ့ ပတ်သက်ပြီး ရှုပ်ထွေးခက်ခဲတဲ့ ဆက်ဆံရေးတွေကို ဖြတ်သန်းရင်း သူတို့ရဲ့ သူငယ်ချင်းသံယောဇဉ်တွေ၊ ရည်မှန်းချက်တွေ ဘယ်လိုဖြစ်လာမလဲဆိုတာကို ရင်ခုန်စိတ်လှုပ်ရှားဖွယ် ကြည့်ရှုရမှာပါ။ ထိုင်းလူ့အဖွဲ့အစည်းရဲ့ မျိုးဆက်သစ်လူငယ်တွေအကြောင်းကို ပီပီပြင်ပြင် ရိုက်ပြထားပြီးကိုယ့်ရဲ့ အိပ်မက်တွေနောက်ကို လိုက်ဖို့ တွန်းအားပေးမယ့် Motivation အပြည့်ရစေမယ့် ဇာတ်ကားကောင်းလေး တစ်ကားဖြစ်ပါတယ်။ Channel 3 ရဲ့ ဆွဲဆောင်မှုရှိတဲ့ လူငယ်မင်းသားမင်းသမီးတွေ စုပေါင်းပါဝင်ထားပြီး ဘဝရဲ့ အချိုးအကွေ့တွေကို ရင်ဆိုင်နေရတဲ့ လူငယ်တွေ၊ Coming-of-age Drama တွေကို သဘောကျတဲ့သူတွေအတွက် လက်မလွှတ်တမ်း ကြည့်ရှုဖို့ ညွှန်းဆိုပေးလိုက်ပါတယ်ခင်ဗျာ။