ပရိသတ်ကြီးတို့မှာ ချစ်ခြင်းကို အပြည့်အဝ အပြန်အလှန်ခံစားဖို့ နှလုံးသားနဲ့ ရွေးချယ်ပါသလား ဦးနှောက်နဲ့ဆုံးဖြတ်ပါသလား… တစ်ခါတရံ လွန်ဆွဲရတဲ့ အခြေအနေတွေကိုလည်းကြုံဖူးကြမှာပါ….ဒီခံစားချက်လေးကို အရင်းတည်ထားတဲ့ ရင်ခုန်စရာ ကိုရီးယား BL ဇာတ်လမ်းသစ်လေးတစ်ခုနဲ့ မိတ်ဆက်ပေးလိုက်ပါတယ်နော်…idol survival show မှာ ဆုံတွေ့ခဲ့ကြတဲ့ ဟျွန်းဂျယ်နဲ့ ဆူအန်တို့ဟာ အချစ်မီးပွါးလေးပေါက်ဖွားခဲ့ကြပေမဲ့ ကံကြမ္မာမျက်နှာမပေးလေတော့ နှစ်ဦးထဲက တစ်ဦးသာ ပွဲဦးထွက်ခွင့်ရခဲ့ပြီး သူတို့ရဲ့ဆက်ဆံရေးဟာလည်း ဝေးကွားခဲ့ရပါတယ်…..နှစ်တွေကြာလွန်ပြီးနောက် ကံကြမ္မာရဲ့လက်ဆောင်လို့ ပြောရမလား ကျီစယ်မှုလို့ပြောရမလား…သူတို့နှစ်ဦးဟာ ပြန်ဆုံတွေ့ခဲ့ရပေမဲ့ ဖျော်ဖြေရေးလောကထဲမှာ နေရာကိုယ်စီပိုင်ဆိုင်ထားကြတဲ့အလျောက် ခံစားချက်တွေ ဖွင့်ဟဖို့ ခက်ခဲခဲ့ကြပါတယ် အသက်မွေးဝမ်းကြောင်းနဲ့ စစ်မှန်တဲ့ခံစားချက်တွေကြား ဗျာများနေကြပြီး ဘယ်လိုအခက်အခဲတွေကြုံတွေ့ကြမလဲဆိုတာကို .. BL ဇာတ်လမ်းပီပီ ချိုမြိန်တဲ့ဇာတ်ဝင်ခန်းလေးတွေနဲ့ခံစားကြည့်ရှုနိုင်မှာ ဖြစ်ပါတယ်...... Cast တွေအနေနဲ့ကတော့ ပျိုမေတို့ အသည်းစွဲစေမယ့် ကောင်ချောလေးတွေဖြစ်တဲ့ ဟျွန်းဂျယ်အဖြစ် Sae Byeol (Waker အဖွဲ့ဝင် ၊ Produce X (101) 2019 သင်တန်းသား) ဆူအန်အဖြစ် Seo I Han ဂျယ်မင်းအဖြစ် Lee Woo Jin (GHOST9 အဖွဲ့ဝင် ၊ TEEN TEEN အဖွဲ့ဝင်ဟောင်း ၊ Produce X (101) သင်တန်းသား) နဲ့ခွန်းအဖြစ် ထိုင်းတက်သစ်စ မင်းသားလေး Petch Panutuch Saelee တို့ ပါဝင်သရုပ်ဆောင်ထားတာဖြစ်ပါတယ် ..