Reasonable Doubt FHD

Reasonable Doubt

Drama FHD 2022-09-27 7.5

ဂျက်ဇ်ဆိုတဲ့ အမျိုးသမီးဟာ သိပ်ကို တော်ပြီး အကြောက်တရားနည်းတဲ့ တရားခံရှေ့နေတစ်ယောက်ပါ။ တရားခံရှေ့နေဆိုတဲ့အတိုင်း ဒီအလုပ်က လွယ်ကူလှတဲ့ အလုပ်မဟုတ်ပါဘူး။ တရားခံဖြစ်လုနီးပါး လူတစ်ယောက်ရဲ့ကံကြမ္မာက ဒီရှေ့နေအပေါ် မူတည်နေတယ်မဟုတ်လား။ ဒါပေမယ့် ဂျက်ဇ်ကတော့ ဒီအရာမှာ သိပ်ကို ထူးချွန်လွန်းလို့ သူ့ရဲ့အမှုသည်အများစုကို အမှုနိုင်အောင်စွမ်းဆောင်နိုင်သူဖြစ်လို့ … သူတို့ ဥပဒေဌာနမှာ လူမျိုးရေးခွဲခြားမှုတွေ မသိမသာရှိနေသေးပေမယ့် …. အရေးကြုံရင် ဂျက်ဇ် စတီးဝက်က မပါမဖြစ်ပါ။ ဒါကတော့ ဂျက်ကလင် စတီးဝက် ခေါ် ဂျက်ဇ်ရဲ့ ကိုယ်ရေးအကျဉ်းဆိုပါတော့ … ဇာတ်လမ်းအစမှာတော့ … တော်လှပါချည်ဆိုတဲ့ ဂျက်ဇ်တစ်ယောက် အသက်အန္တရာယ်ထိ စိုးရိမ်ရတဲ့ ဒုက္ခအကြီးအကျယ်ရောက်နေတဲ့ အနိဌာရုံမြင်ကွင်းနဲ့ စတင်ထားပါတယ် … ခရစ်ယာန်ဘာသာကို ကိုးကွယ်သူပီပီ သူ့နှုတ်ဖျားကလည်း ဒီလို အန္တရာယ်ကွင်းထဲမှာ ဘုရားကိုလည်း နှလုံးသွင်းလို့ နေပြန်ပါတယ် … ဒီတော့ ဘုရားတ,ရလောက်အောင် ဂျက်ဇ်တစ်ယောက် ဘာတွေ ကြုံနေရတာလဲ … ရှေ့နေမကြီး ဘာတွေ လုပ်ခဲ့မိလို့လဲဆိုတာ ဇာတ်လမ်းကို ကြည့်ရင်း ကြိုးစဆွဲထုတ် အဖြေရှာလိုက်ရအောင်ပါ …..