BL အချစ်လေးတို့အတွက် ဒီနေ့အသစ်ထွက်ရှိလာတဲ့ဇာတ်လမ်းလေးတစ်ပုဒ်နဲ့ မိတ်ဆက်ပေးလိုက်ပါတယ်နော်...တစ်နေ့မှာ အူဂျူဆိုတဲ့ကောင်လေးဟာ မိဘတွေနဲ့အတူ အမှတ်တရတွေရှိခဲ့တဲ့ မြို့ငယ်လေးတစ်ခုမှာ သူ့ရဲ့အိပ်မက်လေးဖြစ်တဲ့ ပေါင်မုန့်ဆိုင်ဖွင့်ရေးအတွက် အခက်အခဲတွေကို ဖြတ်ကျော်ရင်း နောက်ဆုံးမှာတော့ ဖွင့်ပွဲနေ့ကို ရောက်ရှိလို့လာခဲ့ပါတယ်။ ဒါပေမဲ့လည်း ကံဆိုးချင်တော့ ဖွင့်ပွဲနေ့မတိုင်မီ အာကာသယာဉ်တစ်စီးဟာ အူဂျူပေါင်မုန့်ဆိုင်ပေါ်ကို မတော်တဆဆင်းသက်မိပြီး ပေါင်မုန့်ဆိုင်လေးဟာ ပျက်စီးသွားခဲ့ပါတယ် ဒီလိုနဲ့ အကြီးအကျယ်စိတ်ထိခိုက်ကာ ဒေါသထွက်သွားခဲ့တဲ့ အူဂျူအတွက် ဂြိုလ်သားလေးဟာ ပေါင်မုန့်ဆိုင်လေးမှာ ပြန်လည်ပေးဆပ်ရပါတော့တယ်။ဒီလိုနဲ့ ပေါင်မုန့်ဆိုင်ရှင်လေးနဲ့ ဂြိုလ်သားလေးတို့အကြား မတည့်အတူနေ ဆက်ဆံရေးကနေ ဘယ်လိုမျိုးတွေပြောင်းလဲသွားမလဲ...ဂြိုလ်သားလေးကရော ဘာလို့ ကမ္ဘာမြေပေါ်ကို ရောက်ရှိလာခဲ့ပြီး သူတို့ဂြိုလ်မှာရော ဘာတွေဖြစ်နေလဲဆိုတာကို စိတ်ဝင်စားဖို့ကောင်းစွာနဲ့ ရင်ခုန်စွာကြည့်ရှုရမယ့် ဇာတ်လမ်းလေး တစ်ပုဒ်ဖြစ်ပါတယ်။ထိုင်းသရုပ်ဆောင်မင်း ၊ အဆိုတော်တွေဖြစ်ကြတဲ့ Jeff Satur နဲ့ "Barcode" Tinnasit Isarapongporn တို့က ကိုးရီးယားမြေမှာ သွားရောက်ရိုက်ကူးကာ အဓိကသရုပ်ဆောင်ထားတာမို့လို့ ဇာတ်လမ်းလေးက ဆန်းသစ်နေမှာ အမှန်ပါပဲ။