Thai Series အလန်းစားလေးတွေ၊ အထူးသဖြင့် ကျောင်းသား Rom-Com Drama လေးတွေ မျှော်နေတဲ့ ဘော်ဒါတို့အတွက် ပရိသတ်တွေ စိတ်ဝင်တစား စောင့်ကြည့်နေကြတဲ့ "မှော်ဆန်တဲ့ အချစ်လှည့်ကွက်" ဆိုတဲ့ ကားသစ်လေးကို တင်ဆက်ပေးလိုက်ပါပြီ။ဇာတ်လမ်းလေးကတော့ နောက်ဆုံးနှစ် တက်နေတဲ့ ဗိသုကာကျောင်းသားလေး တစ်ယောက်ဟာ မထင်မှတ်ဘဲ တက္ကသိုလ်မှာ နာမည်ကြီး ဗေဒင်ဆရာလေး တစ်ယောက် ဖြစ်လာရာကနေ စတင်ပါတယ်။ကံကြမ္မာက ဖန်တီးလိုက်တာလား သူ့ရဲ့ အလွဲလွဲအချော်ချော်တွေကြောင့်ပဲလားတော့ မသိဘူး... သူက အိမ်ခြံမြေလုပ်ငန်းစုကြီးရဲ့ အမွေခံသူဌေးသားလေးရဲ့ ငယ်ချစ်ဦးဆိုပြီး ဟန်ဆောင်လိုက်မိပါတော့တယ်။"ဟန်ဆောင်ချစ်သူ" ဆိုတဲ့ လိမ်ညာမှုတစ်ခုနဲ့ စတင်ခဲ့ပေမယ့် အချိန်တွေကြာလာတာနဲ့အမျှ သူတို့နှစ်ယောက်ကြားမှာ တကယ့်ကိုစစ်မှန်တဲ့ အချစ်တွေ ပေါက်ဖွားလာတဲ့အခါ…ဒါပေမယ့် ပြဿနာက အဲဒီမှာတင် ပြီးမသွားပါဘူး။ တစ်ချိန်တည်းမှာပဲ ကိုရီးယားမှာ ကြယ်ပွင့်တစ်ပွင့်ဖြစ်ဖို့ ကြိုးစားပေမယ့် အဆင်မပြေဖြစ်ခဲ့တဲ့ လူငယ်လေးတစ်ယောက်က သူ့ရဲ့ တစ်ချိန်က Ship Partner ကြီးကို ပြန်ရှာဖို့ ရောက်လာပါတော့တယ်။ တိုက်ဆိုင်စွာနဲ့ပဲ အဲဒီလူရှာနေတဲ့ သူကလည်း ခုနက အိမ်ခြံမြေ သူဌေးသားလေး ဖြစ်နေတဲ့အခါမှာတော့…လိမ်ညာပြီး ဝင်လာတဲ့ ဗေဒင်ဆရာလေးနဲ့ အဝေးကနေ ပြန်ရောက်လာတဲ့ ငယ်ချစ်ဟောင်းလေးတို့ကြားမှာ သူဌေးသားလေး တစ်ယောက် ဘယ်သူ့ကို ရွေးချယ်မလဲ။ ဗေဒင်ဆရာလေးရဲ့ "Magic Move" တွေကရော အချစ်စစ်ကို ဖမ်းဆုပ်နိုင်ပါ့မလားဆိုတာကိုမျက်စိပသာဒဖြစ်စရာ သရုပ်ဆောင်တွေရဲ့ Chemistry တွေနဲ့အတူ ရင်ခုန်ကြည်နူးဖွယ် ကြည့်ရှုရမယ့် Love Triangle ဇာတ်ကားလေးဖြစ်လို့ ခုပဲ ရှုစားလိုက်ကြပါဦးစို့။