အွန်လိုင်းပညာရေးပလက်ဖောင်းတစ်ခုဖြစ်တဲ့ Physics Wallah (PW)အက်ပ်ရဲ့တည်ထောင်သူ ရူပဗေဒဆရာ အာလက်ခ်ပန်ဒေးရဲ့ ဘ၀ဇာတ်ကြောင်းကိုအခြေခံရိုက်ကူးထားပြီး Netflixကနေ ထုတ်လွှင့်လိုက်တဲ့ အပိုင်းငါးပိုင်းနဲ့ရုပ်သံစီးရီးကို တင်ဆက်ပေးလိုက်ပါတယ်။ကျောင်းသားတိုင်း ကောင်းမွန်တဲ့ပညာရေးတခု တန်းတူညီမျှသင်ကြားနိုင်ဖို့ ငွေကြေးအခက်အခဲဆိုတဲ့ အတားအဆီးကိုဖြိုဖျက်ပစ်ချင်တဲ့ ဆရာအာလက်ခ်။ဒါပေမဲ့ လက်တွေ့အကောင်အထည်ဖော်ဖို့ ကြိုးစားကြည့်တဲ့အခါမှာတော့ သူကိုယ်တိုင်ပဲ အဲဒီအတားအဆီးကိုကျော်ဖြတ်ဖို့ရာ မနည်းရုန်းကန်နေရတာပေါ့။ဒါပေမဲ့လည်း မလျှော့သောဇွဲနဲ့ အတားအဆီးတွေကို ကျော်ဖြတ်ဖို့ကြိုးစားတဲ့ ဆရာအာလက်ခ်နဲ့အတူပဲဆရာဝန်ဖြစ်ချင်တဲ့ ကလေးတသိုက်ရဲ့ ကြိုးစားအားထုတ်မှုတွေကို အားတက်ဖွယ်ရာ ကြည့်ရှုခံစားကြရမှာပါ။