(ပွင့်လင်းမြင်သာတဲ့ ချစ်ကြိုက်ခန်းတွေပါဝင်တဲ့ အတွက်မိသားစုနဲ့ကြည့်ဖို့ မသင့်တော်ပါဘူး။)ရှိန်းဟော်လန်ဒါ (Hudson Williams)နဲ့ အီလီယာရိုဇာနော့ဗ် (Connor Storrie)တို့ဟာ ရေခဲပြင်စကိတ်စီးဟော်ကီအားကစားလောကရဲ့ တက်သစ်စကြယ်ပွင့်လေးတွေဖြစ်ကြတယ်။ ကနေဒါသားတစ်ယောက်ဖြစ်တဲ့ ရှိန်းက ကြိုးစားတဲ့ထူးချွန်ဟော်ကီအားကစားသမားဖြစ်ပြီး ရုရှားနိုင်ငံသား အီလီယာကတော့ အားသန်သန်နဲ့ ခပ်ကြမ်းကြမ်းကစားတတ်တဲ့ ကစားသမားမျိုးပါ။ ဟော်ကီအားကစားရဲ့ အဓိကပြိုင်ဖက်နိုင်ငံနှစ်ခုကလာပြီး တချိန်တည်းမှာ လူသစ်တန်းဝင်လာတဲ့ နာမည်ကျော်ကစားသမားတွေဖြစ်လို့ ဟော်ကီပရိသတ်တွေအတွက်က သူတို့ဟာအဓိကပြိုင်ဖက်တွေ ဖြစ်ကြပါတယ်။ ထိန်းချုပ်ပြီးတွန်းအားပေးတတ်တဲ့အမေရှိတဲ့ ရှိန်း၊ တင်းကြပ်တဲ့ အသိုင်းအဝိုင်းကလာသူ အီလီယာ၊ ရှေးရိုးစွဲပြီးလိင်တူချစ်ကြိုက်မှုကို လက်မခံနိုင်တဲ့ဟော်ကီအားကစားလောကသူတို့နှစ်ယောက်အကြားမှာတော့ အများရဲ့အမြင်နဲ့မတူပဲ ရင်းနှီးတဲ့ဆက်ဆံရေးတစ်ခု ပေါက်ဖွားလာပါတယ်။ဟော်ကီအားကစားကိုအခြေခံပြီး လိင်တူအချစ်ဇာတ်လမ်းဝတ္ထုတွေရေးသားတတ်တဲ့ ကနေဒါလူမျိုးစာရေးဆရာမ Rachel Reidရဲ့ Game Changersဆိုတဲ့ စာအုပ်တွဲကို အခြေခံထားတဲ့အားကစားအခြေခံအချစ်ဒရာမာ ဇာတ်လမ်းဖြစ်ပါတယ်။