Breaking Bad နဲ့ Better Call Saul တို့ရဲ့ ဖန်တီးရှင် Vince Gilliganရဲ့ လက်ရာအသစ်ဖြစ်ပါတယ်။ Pluribusဆိုတာ လက်တင်ဘာသာစကားကနေ ယူထားတဲ့စကားလုံးဖြစ်ပြီး “အများနဲ့တစ်ယောက်”ဆိုတဲ့ အဓိပ္ပါယ်ပါ။လူသားအားလုံးကို စိတ်ချင်းဆက်စပ်ပေါင်းစည်းသွားအောင် ထိန်းချုပ်နိုင်တဲ့ ဗိုင်းရပ်တစ်မျိုးဟာ ကမ္ဘာအနှံ့မှာ ပျံ့နှံ့သွားပါတယ်။ ဒီဗိုင်းရပ်ဟာ ကမ္ဘာ့ပြင်ပကနေရောက်လာတဲ့ နည်းပညာတစ်ခုဖြစ်ပြီး စမ်းသပ်နေစဉ်မှာပဲ ပျံ့နှံ့သွားခဲ့တာပါ။ဒါပေမဲ့လည်း ဒီဗိုင်းရပ်ရဲ့ သက်ရောက်မှုမရှိတဲ့ ထူးခြားတဲ့အခြေအနေကလည်း ရှိနေခဲ့ပြန်ပါတယ်။ ကာရိုး စတာကာ(Rhea Seehorn) လို့ခေါ်တဲ့ စာရေးဆရာမဟာ ဒီလိုပျံ့နှံ့လာတဲ့ ပရမ်းပတာအခြေအနေကနေ ရှင်ကျန်ခဲ့သူပါ။ ကမ္ဘာအနှံ့မှာ သူအပါအဝင် လူနည်းစုသာ အထိန်းအချုပ်မခံရပဲ ကျန်ရစ်ခဲ့ကြောင်းနဲ့ တစ်ဖက်က ထိန်းချုပ်ခံရသူ လူအများစုကလည်း သူ့ကို အများနည်းတူဖြစ်အောင် ကြိုးပမ်းကြမှာဖြစ်ကြောင်းကို သူသိလာရပါတော့တယ်။