ချာဂျောင်ဝန်း (Lee Shi-Ah)ဟာ ဂွန်ဟျန်းလုပ်ငန်းစုရဲ့ အမွေဆက်ခံသူနဲ့ လက်ထပ်ဖို့အတွက် သူငယ်ချင်းဖြစ်သူရဲ့နာမည်ကို ယူသုံးပြီး ချမ်းသာတဲ့မိသားစုထဲကို လိမ်ညာပြီး ဝင်ရောက်ခဲ့ပါတယ်။ဒါပေမဲ့ သူ့ရှေ့မှာ ယောက္ခမလောင်းအဖြစ် ပေါ်လာတဲ့ ဟန်ဟယ်ရာ (Lee Il-Hwa)ဆိုတဲ့ အမျိုးသမီးကတော့ တခြားသူမဟုတ်ဘဲ ဆင်းရဲတွင်းကနေ လွတ်မြောက်ပြီးသြဇာအာဏာရရှိဖို့အတွက် ငယ်စဥ်ဘဝက သူ့ကို ရက်ရက်စက်စက် စွန့်ပစ်ခဲ့တဲ့ အမေရင်းဖြစ်နေပါတော့တယ်။အဲဒီအဖြစ်မှန်ကို သိလိုက်ရပြီးနောက်မှာတော့ ဂျောင်ဝန်းတစ်ယောက် မိခင်ဖြစ်သူကို လက်စားချေဖို့ ကြုံးဝါးလိုက်ပါတော့တယ်။ ဒီလိုနဲ့ပဲ လိမ်ညာမှုတွေနဲ့ သစ္စာဖောက်မှုတွေကြားမှာအမေအရင်းနဲ့သမီးဖြစ်သူတို့ကြား ပြင်းထန်တဲ့ တိုက်ပွဲကြီး စတင်ကြပါတော့တယ်။သွေးသားက ဖော်ထုတ်မဲ့ အမှန်တရားဟာ လိမ်ညာမှုတွေကို နင်းခြေပြီး အောင်ပွဲခံနိုင်မလား...ဒါမှမဟုတ် နောက်ထပ် လိမ်ညာမှုတစ်ခုရဲ့ ဝါးမျိုခြင်းကိုပဲ ခံသွားရမလားဆိုတာကိုတော့ အပတ်စဥ် တနင်္လာနေ့မှ သောကြာနေ့အထိ တစ်ပတ်ကို ၅ပိုင်း တင်ဆက်ပေးသွားမှာဖြစ်လို့စောင့်မျှော် ကြည့်ရှုခံစားပေးကြပါဦးနော်...