ဒီတစ်ခါမိတ်ဆက်ပေးချင်တဲ့ ဇာတ်လမ်းတွဲကတော့ ကိုးရီးယားကားကို ထိုင်းဗားရှင်းအနေနဲ့ပြန်ရိုက်ကူးထားတဲ့ Mouse ဆိုတဲ့ ဇာတ်လမ်းတွဲလေးဖြစ်ပါတယ်။ ကွင်းဆက်လူသ-တ်သမားအကြောင်းကို အသားပေးရိုက်ကူးထားတဲ့ ဇာတ်လမ်းတွဲလေးဖြစ်တာမို့ လူသ-တ်ကားတွေကြိုက်ရင်တော့ အကြိုက်တွေ့မှာ အသေအချာပါပဲ။ (ကြောက်ရွံ့ထိတ်လန့်ဖွယ် အခန်းများပါတာကို သတိပြုပေးစေချင်ပါတယ်။) မခဝါမြို့ အတွင်း တစ်နှစ်ထက်တစ်နှစ် လူသ-တ်မှုတွေ တိုးပွားလာခဲ့ပါတယ်။ ဒါဟာလည်း Psychopath Genius မျိုးရိုးရှိတဲ့လူတွေ စိတ်ဖောက်ပြီး လူသ-တ်လို့ပါပဲ။ အဲဒီလိုဖြစ်နေတဲ့သူတော်တော်များများဟာ စိတ်ဖောက်ပြီး ရာဇ၀တ်မှုကို ကျူးလွန်ဖို့အတွက် မကြောင့်ရွံ့တတ်ကြပါဘူး။အစိုးရလွှတ်တော်အဖွဲ့အစည်းတွေဘက်ကလည်း ကွင်းဆက်လူသတ်မှုကို မျက်ကွယ်ပြုထားပြီး စိတ္တဇလူသ-တ်သမားတွေကို တားဆီးကာကွယ်မယ့်အစား ကိုယ်၀န်ဖျက်ချရေးမူဝါဒကိုပဲ ရေးဆွဲဖို့ နည်းလမ်းတွေရှာနေခဲ့တာပါပြည်သူတွေနဲ့ မီဒီယာတွေကတော့ အစိုးရလုပ်နေတဲ့ လုပ်ငန်းစဉ်ကို မကြိုက်တဲ့အပြင် ရာဇ၀တ်မှုတွေကိုဖြေရှင်းပေးရန် တောင်းဆိုပြီး ကိုယ်၀န်ဖျက်ချရေးမူဝါဒကိုလည်း အပြင်းအထန် ကန့်ကွက်နေခဲ့ပါတယ်။ ဒီလိုနဲ့ မခဝါမြိုမှာ စိတ္တဇ လူသ-တ်သမားရဲ့ ကွင်းဆက်လူသ-တ်မှုတွေ ဘယ်လိုဆက်ဖြစ်လာမလဲ။ စိတ္တဇလူသ-တ်သမား ပြဿနာကို အစိုးရတွေ ဖြေရှင်းပေးနိုင်ပါ့မလား။ ပြည်သူနဲ့ အစိုးရကြား ဘယ်လို ညှိနှိုင်းရှေ့ဆက်ကြမလဲဆိုတာ ဆက်လက်ရှုစားပေးကြပါဦးလို့…