ဇာတ်လမ်းက ၁၉ ရာစုမှာ စတင်ပြီး ဘာဘေးဒိုးစ်က သကြားစိုက်ခင်းတစ်ခုမှာ ကျွန်အဖြစ် မွေးဖွားလာတဲ့ အသက် ၁၁ နှစ်အရွယ် ဂျော့ခ်ျဝါရှင်တန် “ဝါရှ်” ဘလက်ခ် (Ernest Kingsley Jr.) ရဲ့ဘဝကို အာရုံစိုက်ထားတယ်။ ဝါရှ်ဟာ ရက်စက်တဲ့ စိုက်ခင်းပိုင်ရှင် Erasmus Wilde လက်အောက်မှာ ခက်ခဲတဲ့ဘဝကို ဖြတ်သန်းနေရပြီး Big Kit ဆိုတဲ့ ကျွန်အမျိုးသမီးတစ်ဦးက သူ့ကိုမိခင်တစ်ယောက်လို ပြုစုပျိုးထောင်ပေးတယ်။ တစ်နေ့မှာ ဝါရှ်ဟာ Erasmus ရဲ့ညီ Christopher “Titch” Wilde (Tom Ellis) ဆိုတဲ့ သိပ္ပံပညာရှင်၊ စူးစမ်းရှာဖွေသူ၊ တီထွင်သူ၊ ပြီးတော့ကျွန်စနစ်ဆန့်ကျင်သူတစ်ယောက်ရဲ့ လက်ထောက်အဖြစ် ရွေးချယ်ခံရတယ်။Titch က ဝါရှ်ရဲ့ သဘာဝအချက်အလက်ဆိုင်ရာ စွမ်းရည်တွေကို ရှာဖွေတွေ့ရှိပြီး သူ့ကို သိပ္ပံပညာနဲ့ ပုံဆွဲပညာတွေ သင်ကြားပေးတယ်။ ဒါပေမဲ့ မမျှော်လင့်ထားတဲ့ အဖြစ်အပျက်တစ်ခုကြောင့်ဝါရှ်ရဲ့ဘဝ အန္တရာယ်ကျရောက်လာတဲ့အခါ Titch နဲ့အတူ ထူးဆန်းတဲ့ လေယာဉ်ပျံတစ်စီးနဲ့ စိုက်ခင်းကနေ ထွက်ပြေးရတယ်။ ဒီနောက်မှာတော့ ဝါရှ်တစ်ယောက် ကာရစ်ဘီယံကနေအာတိတ်ဒေသ၊ လန်ဒန်၊ မော်ရိုကိုအထိ စွန့်စားခန်းတွေ ဖြတ်သန်းရင်း လွတ်လပ်မှု၊ ကိုယ်ပိုင်အမှတ်အသားနဲ့ မိမိကိုယ်ကိုယ် ရှာဖွေတဲ့ ခရီးကို ဆက်လက်လျှောက်လှမ်းရတယ်။ ဇာတ်လမ်းကကျွန်စနစ်ရဲ့ ရက်စက်မှုတွေကို ပြသရင်း ဝါရှ်ရဲ့ သိပ္ပံစိတ်ဝင်စားမှု၊ အနုပညာစွမ်းရည်နဲ့ လူသားဆန်မှုကို ဖော်ညွှန်းထားလို့ စိတ်လှုပ်ရှားစရာ စွန့်စားခန်းနဲ့ နှလုံးသားကို ထိတွေ့စေမယ့်ဇာတ်လမ်းတွဲလေးပါ။ ကြည့်ကြည့်ဦးနော်