ဇာတ်လမ်းအကျဉ်းလေးကတော့-ရှန်မုရွာကမိန်းကလေးကျန်တန်းဟာ ကျောင်းဖွင့်တဲ့ ပထမနေ့မှာ ရေကူးအားကစားအဖွဲ့ကဟန်ယန်ရှန့်ကို မတော်တဆ ရေကူးကန်ထဲ တွန်းချမိသွားပါတယ်။ တက္ကသိုလ်မှာလူထုလှုပ်ရှားမှုအမှတ်မရရင် ကျောင်းတွင်းပညာသင်ဆုကို လျှောက်လို့မရတဲ့အတွက်“တောင်တက်”အဖွဲ့ကို ကိုယ့်ဘာသာ တည်ထောင်ခဲ့ပါတယ်။ဒါပေမဲ့ ကျောင်းထဲမှာ ကျန်တန်းဟာ ဟန်ယန်ရှန့်နဲ့ ဝေးဝေးနေဖို့ ကြိုးစားခဲ့ပေမဲ့ ကံကြမ္မာကကျန်တန်းကို ခွင့်မပြုခဲ့ပါဘူး။ သူတို့နှစ်ယောက်လုံးဟာသင်္ချာကို နှစ်သက်တဲ့အတွက် ပိုပြီးတော့ ရင်းနှီးလာခဲ့ပါတယ်။ဟန်ယန်ရှန့်ဟာ သူနဲ့ သင်္ချာအရ အမြင်တူတဲ့ “ဟိုင်ပေရှား”ဆိုတာ ကျန်တန်းဖြစ်နေမှန်းသိလိုက်ရတဲ့အခါ…….ကျန်တန်းကလည်း ဟန်ယန်ရှန့် ရေကူးလို့မရတဲ့လျှို့ဝှက်ချက်ကို သိလိုက်ရတဲ့အခါ……ဟန်ယန်ရှန့်နဲ့ အတိတ်မှာ ဘယ်လို နာကျင်မှုတွေ ရှိခဲ့သလဲ……ဆိုတာ ဆက်လက်ကြည့်ရှုသွားရအောင်နော်။