ဒီတစ်ခေါက်မှာတော့ IMDb 7.6 ရှိတဲ့ Rom-com ကားကောင်းလေးတစ်ကားနဲ့ မိတ်ဆက်ပေးလိုက်ပါတယ်…ကိုရီးယားဇာတ်လမ်းကောင်းတွေကို ကြိုက်တတ်တဲ့ 90’s born တွေဆို ဒီဇာတ်လမ်းကိုတော့ငယ်ဘဝမှာ ကြည့်ဖူးကြမှာ အသေအချာပါပဲ။ ပါဝင်တဲ့သရုပ်ဆောင်တွေကတော့ Autumn In My Heart,Snow White’s Revenge စီးရီးတွေမှာ ပါဝင်ခဲ့တဲ့ မင်းသမီး Han Chae Young နဲ့ Witch Yoo Hee,May Queen စီးရီးတွေမှာ ပါဝင်ခဲ့ပြီး တစ်ခေတ်တစ်ခါက မိန်းကလေးတိုင်းရဲ့ အသည်းစွဲဖြစ်ခဲ့တဲ့မင်းသား Jae Hee တို့ပဲဖြစ်ပါတယ်။ဇာတ်လမ်းကတော့ ကိုရီးယားရှေးရိုးအချစ်ပုံပြင်လေးကို လက်ရှိခေတ်ပုံစံနဲ့ ပြန်ဖန်တီးပေးထားပါ..ဇာတ်လမ်းအစမှာ စခန်းမှူးရဲ့သားဖြစ်သူ အီမုံရုံက ဆိုးလ်က ကျောင်းမှာ ပြဿနာတွေပဲ လိုက်ရှာ၊ရန်ပဲပတ်ဖြစ်နေတဲ့အတွက် စခန်းမှူးက အဖေလုပ်သူကို အရှက်ခွဲရကောင်းလားဆိုပြီး တစ်မိသားစုလုံးနမ်ဝန်ဆိုတဲ့ မြို့ငယ်လေးကို ပြောင်းရွှေ့ခဲ့ကြပါတယ်။ မုံရုံကိုလည်း နမ်ဝန်က ကျောင်းကိုပဲ ထားဖို့ဆိုပါတော့…နမ်ဝန်ကို ရောက်တဲ့အချိန်မှာတော့ မုံရုံက ဆောင်းချွန်းယန်းဆိုတဲ့ သူနဲ့သက်တူရွယ်တူ မိန်းကလေးနဲ့စတွေ့ဖြစ်သွားပြီး နှစ်ယောက်ကြားမှာ ကတောက်ကဆတွေဖြစ်ရင်း တကျက်ကျက်နဲ့ ရန်ဖြစ်ကြတော့တာပေါ့…ဒါပေမဲ့ နောက်မှ သိလိုက်တာက ချွန်းယန်းဆိုတဲ့ မိန်းကလေးက မုံရုံပြောင်းလိုက်တဲ့ အထက်တန်းကျောင်းကကျောင်းသူတစ်ယောက်ဖြစ်နေတာပါပဲ။ ချွန်းယန်းကတော့ မုံရုံနဲ့ ဆန့်ကျင်ဘက်…မုံရုံက ချမ်းသာတဲ့မိသားစုက လာပြီး ဆိုးသွမ်းတဲ့ ကျောင်းသားဖြစ်သလောက် ချွန်းယန်းကတော့ ငွေကြေးမပြည့်စုံဘူး။ဒါပေမဲ့ စာတော်တယ်။ အားတဲ့အချိန်တိုင်း အချိန်ပိုင်းအလုပ်တွေလုပ်ပြီး မိဘကို ရှာကျွေးတယ်။အဲဒီလို ဆန့်ကျင်ဘက်သူနှစ်ယောက်ကနေ ဘယ်လိုအချစ်ဇာတ်လမ်းမျိုး ပေါက်ဖွားလာနိုင်မလဲဆိုတာစိတ်ဝင်စားစရာပါပဲ.. အဲဒါအပြင်ကို မုံရုံမှာက သူ့ထက် အသက်ကြီးတဲ့ အချစ်ဦး ချယ်ရင်းရှိခဲ့ပြီးချွန်းယန်းရဲ့ အချစ်ကိုလည်း ဖျော်ဖြေရေးကုမ္ပဏီသူဌေးဖြစ်တဲ့ ဟက်ဒိုက ရယူဖို့ ကြိုးစားနေပါသေးတယ်။အဲဒီတော့ ဒီဇာတ်လမ်းထဲမှာ ဆယ်ကျော်သက်အချစ်၊ သုံးပွင့်ဆိုင်အချစ်၊လူငယ်ကျောင်းသားဘဝတွေကို တစ်ဝကြီး ကြည့်ရှုခံစားနိုင်မှာဖြစ်ပါတယ်…ဒီဇာတ်လမ်းလေးကို ကြည့်ရှုရင်း ဆယ်ကျော်သက်လူငယ်ဘဝကို ပြန်သွားကြတာပေါ့…