“Ballard” က Amazon Prime Video မှာ ဇူလိုင် ၉၊ ၂၀၂၅ မှာ စတင်ထုတ်လွှင့်ခဲ့တဲ့ ရဲဇာတ်လမ်းတွဲဖြစ်ပြီး “Bosch” နဲ့ “Bosch: Legacy” ရဲ့ spinoff တစ်ခုပါ။Michael Connelly ရဲ့ နာမည်ကြီး ဝတ္ထုတွေကို အခြေခံထားပြီး Maggie Q က အဓိကဇာတ်ဆောင် Renée Ballard အဖြစ် သရုပ်ဆောင်ထားတယ်။ဒီဇာတ်လမ်းတွဲမှာ Renée Ballard ဟာ LAPD ရဲ့ ရန်ပုံငွေနည်းပါးပြီး စေတနာ့ဝန်ထမ်းတွေနဲ့ ဖွဲ့စည်းထားတဲ့ အမှုဟောင်းဌာန (Cold Case Unit) ကို ဦးဆောင်နေရတယ်။ဒီဌာနက ဆယ်စုနှစ်တွေကြာပြီး မဖြေရှင်းနိုင်ခဲ့တဲ့ လူသတ်မှုတွေကို ပြန်ဖွင့်စုံစမ်းရတာပါ။Ballard က ခေါင်းမာပြီး တရားမျှတမှုကို လိုက်လံရှာဖွေတတ်တဲ့ အမျိုးသမီးရဲအရာရှိတစ်ယောက်ဖြစ်ပြီး သူ့ရဲ့ အဖွဲ့ထဲမှာ အငြိမ်းစား ရဲအရာရှိ Thomas Laffont (John Carroll Lynch)၊ မထင်မှတ်ဘဲပြန်ခေါ်ခံရတဲ့ ရဲဟောင်း Samira Parker (Courtney Taylor) နဲ့ အလုပ်သင်တစ်ယောက်ဖြစ်တဲ့ Martina Castro (Victoria Moroles) တို့ ပါဝင်တယ်။ဇာတ်လမ်းက အမှုဟောင်းတွေကို တူးဖော်ရင်း LAPD အတွင်းက အကျင့်ပျက်ခြစားမှုတွေနဲ့ ကြီးမားတဲ့ ပူးပေါင်းကြံစည်မှုတစ်ခုကို ဖော်ထုတ်မိရာက စတယ်။ဒီထဲမှာ လူသတ်မှုတွေ၊ ကောင်စီဝင် Jake Pearlman ရဲ့ ညီမဖြစ်သူ Sarah ရဲ့ အမှုနဲ့ ဆက်စပ်နေတဲ့ ကွင်းဆက်လူသတ်မှုတွေလည်း ပါတယ်။ထူးခြားတာက ဒီဇာတ်လမ်းထဲမှာ “Bosch” ထဲက Harry Bosch (Titus Welliver) ကလည်း ဧည့်သရုပ်ဆောင်အဖြစ် ပေါ်လာပြီး Ballard ကို အကူအညီပေးတယ်။ဒီအဖွဲ့ဟာ အမှုတွေကို ဖြေရှင်းဖို့ အချိန်နဲ့အပြိုင် ပြိုင်ဆိုင်ရတာက စိတ်လှုပ်ရှားစရာပဲ။ဒီဇာတ်လမ်းတွဲက ၁၀ ပိုင်းပါပြီး ဇူလိုင် ၉၊ ၂၀၂၅ မှာ Prime Video မှာ တစ်ပြိုင်နက် ထုတ်လွှင့်ခဲ့တယ်။ IMDb မှာ 8.1/10 ရထားပြီး Rotten Tomatoes မှာ 100% approval rating ရထားတယ်။Maggie Q ရဲ့ သရုပ်ဆောင်မှုက သန်မာပြီး စိတ်ခံစားမှုနဲ့ ပြည့်နှက်နေတာကြောင့် ပရိသတ်တွေက ချီးကျူးကြတယ်။ဒါ့အပြင် ဇာတ်လမ်းက အမှုတစ်ခုချင်းရဲ့ စိတ်ဝင်စားမှုနဲ့ ရာသီတစ်ခုလုံးကို ချိတ်ဆက်ထားတဲ့ ကြံစည်မှုကြီးက ကြည့်ရင်း မျက်လုံးမခွာနိုင်အောင် ဆွဲဆောင်ထားတယ်။“Bosch” ကြိုက်တဲ့သူတွေအတွက်ဆို ဒီဇာတ်လမ်းတွဲက jackpotကြီးတစ်ခုပဲ။ စိတ်လှုပ်ရှားစရာ ရဲဇာတ်လမ်းကြိုက်တယ်ဆိုရင် “Ballard” ကို လက်မလွှတ်သင့်ပါဘူး။