ဒီဇာတ်လမ်းတွဲကိုတော့ နယ်ခြားစောင့်အရာရှိတစ်ယောက် သေဆုံးမှုကို အကြောင်းပြပြီးတော့ နေသန် ဘလိုက်ခ်ဆိုတဲ့ စစ်ဆင်ရေးအမှုဆောင်အရာရှိကအမ်ဘာ၊ အယ်ဗန်၊ ကန်တေး၊ ဖီနော့၊ ရှက်ဖာ့ဆိုတဲ့ ဌာနမတူတဲ့ အရာရှိငါးယောက်ကို အရေးပေါ်စုံစမ်းရေးတပ်ဖွဲ့ဆိုပြီးတော့ ဖွဲ့စည်းကာ ဒီလူသတ်မှုကို စုံစမ်းခိုင်းပါတော့တယ်။ဒီအရာရှိငါးယောက်ဟာ နည်းပညာပိုင်း၊ မြေပြင်စစ်ဆင်ရေးပိုင်း၊ ဒေတာပိုင်း အစရှိသဖြင့် သက်ဆိုင်ရာနယ်ပယ်အသီးသီးမှာ သူမတူအောင် တော်ကြပေမဲ့မှန်ရာပြောရင် ရွာပြင်ထုတ်ခံရတယ်ဆိုတဲ့အတိုင်း အထက်အရာရှိတွေကို မဟုတ်မခံ ပြန်ပြောလွန်းလို့ ဌာနအသီးသီးက ပထုတ်ချင်နေတဲ့ ချဉ်ဖတ်လေးတွေ ဖြစ်ကြပါတယ်။ဒါပေမဲ့ သူတို့သိလိုက်ရတာ ဒီလူသတ်မှုက သူတို့ထင်ထားသလို မရိုးရှင်းနေပဲ ဒီလူသတ်မှုရဲ့နောက်ကွယ်မှာ သစ္စာဖောက်မှု၊ အကျင့်ပျက်ချစားမှုက ဌာနအကြီးအကဲအဆင့်ထိ ရောက်ရှိနေပြီဖြစ်တဲ့အတွက်သူတို့လို ဌာနက မရှိလေကောင်းလေ စာရင်းသွင်းထားတဲ့သူတွေကို လျို့ဝှက်စစ်ဆင်ရေးအနေနဲ့ စုံစမ်းစစ်ဆေးဖို့ ဖွဲ့စည်းလိုက်ရတာဖြစ်ပါတယ်။တစ်ဖက်မှာလည်း ကျွန်တော်တို့အချစ်တော် ဒင်းန် တဖြစ်လည်း မာ့ခ်က ဦးနှောက်အကြိတ်ကင်ဆာက နောက်ဆုံးအဆင့်ဖြစ်နေပြီး ရောဂါကျွမ်းနေပါပြီ။အဲတော့ သူတို့ငါးယောက်သား ဒီလူသတ်မှုရဲ့ နောက်ကွယ်မှာရှိတဲ့ အန္တရာယ်က ဘယ်လောက်ကြီးမားမလဲ၊ ဘယ်လိုတားဆီးကြမလဲဆိုတာကို စိတ်လှုပ်ရှားဖွယ်ရာ ကြည့်ရှုရမဲ့အက်ရှင်ဇာတ်လမ်းတွဲကောင်းလေးပဲဖြစ်ပါတယ်။