Netflix ရဲ့ The Waterfront ဇာတ်လမ်းတွဲကတော့ Dawson’s Creek နဲ့ The Vampire Diaries တို့ကို ဖန်တီးခဲ့တဲ့ Kevin Williamson ရဲ့လက်ရာဖြစ်ပြီး North Carolina ကမ်းရိုးတန်းဒေသက စိတ်ကူးယဉ်မြို့ငယ်လေး Havenport မှာ အခြေတည်ထားပါတယ်။ဇာတ်လမ်းကတော့ Buckley မိသားစုရဲ့ ငါးဖမ်းလုပ်ငန်း၊ စားသောက်ဆိုင်နဲ့ မှောင်ခိုမူးယစ်ဆေးဝါးကုန်ကူးမှုတွေကြား ရုန်းကန်ရပုံကို ရိုက်ကူးထားတာဖြစ်ပါတယ်။Buckley မိသားစုဟာ အပြင်ကြည့်ရင် ချမ်းသာကြွယ်ဝလှပေမယ့်လည်း အတွင်းထဲမှာတော့ လျှို့ဝှက်ချက်တွေ၊ မတည်ငြိမ်မှုတွေနဲ့ ပြည့်နှက်နေပါတယ်။မိသားစုဝင်တွေဖြစ်တဲ့ မိသားစုဥက္ကဋ္ဌ Harlan (Holt McCallany)၊ ဇနီး Belle (Maria Bello)၊ သား Cane (Jake Weary) နဲ့ သမီး Bree(Melissa Benoist) တို့ဟာ ကြွေးမြီတွေ ၊ သစ္စာဖောက်မှုတွေ၊ အကြမ်းဖက်မှုတွေနဲ့ ရင်ဆိုင်ကြရပြီး မိသားစုဂုဏ်သတင်းကို ကာကွယ်ဖို့ အစွမ်းကုန်ကြိုးစားကြရပုံကိုကြည့်ရှုရမှာဖြစ်ပါတယ်။