လူငယ်လေးယောက်ရဲ့ အောင်မြင်မှုနောက်လိုက်ရင်း ကြုံတွေ့ရတဲ့ အခက်အခဲတွေ၊ သူတို့တွေရဲ့ ဆက်နွယ်မှုတွေ၊ မိသားစုပြဿနာတွေကို စိတ်ဝင်စားစရာ ကြည့်ရှုကြရမှာပါ။အိန္ဒိယရဲ့အအောင်မြင်ဆုံး ကုမ္ပဏီသုံးခုထဲက တစ်ခုဖြစ်တဲ့ Fusion Fundsကုမ္ပဏီကြီးမှာဝန်ထမ်းသစ်အနေနဲ့ စဝင်လာကြတဲ့ အဓိကဇာတ်ဆောင် လူငယ်လေးယောက်။ ဇာတ်လိုက်ကျော် အာဘီဂျစ်ကတော့ ဆင်းရဲနိမ့်ကျတဲ့ အနှိမ်ခံဘ၀ကနေ လာခဲ့ရသူဖြစ်ပြီးအောင်မြင်ဖို့ ရည်မှန်းချက်ကြီးမားတဲ့သူ။ ဂါရီမာကတော့ အလုပ်ကိုပဲ သည်းကြီးမည်းကြီးလုပ်နေကြတဲ့ မိဘဖြစ်သူတွေကိုမုန်းနေပြီး ကိုယ်တိုင်အစွမ်းအစနဲ့ အောင်မြင်ဖို့ကြိုးစားနေတဲ့သူ။ ဆောရာ့ဗ်က ချမ်းသာတဲ့မိဘတွေရဲ့ နှိမ်တာကို မခံနိုင်ဘဲ ကုဒ်ရေးတာကိုစိတ်ဝင်စားပေမဲ့ ဘဏ်လုပ်ငန်းကို ကြိုးစားလုပ်ကိုင်နေတဲ့သူ။ ရှရူတီက နယ်မှာကျန်ခဲ့တဲ့ မိဘတွေရဲ့ လောင်းရိပ်ကမလွတ်နိုင်ဘဲ သူငယ်ချင်းတွေနဲ့အပြိုင်ကြိုးစားနေရသူ။ ဒီလိုပဲ အောင်မြင်ဖို့ကြိုးစားနေကြတဲ့ သူတို့လေးယောက် ပိုက်ဆံဆိုတဲ့ တန်ခိုးကြီးတဲ့အရာကြောင့် ဘာတွေဆက်ဖြစ်မလဲဆိုတာ ခံစားကြည့်ရှုကြပါဦး။