ဆာယာမာ မီယာဘိဟာ အိမ်ခြံမြေကုမ္ပဏီတစ်ခုရဲ့ အရောင်းအဖွဲ့က ဝန်ထမ်းတစ်ယောက်ပါ။သူရဲ့ ချစ်သူသက်တမ်း ၆နှစ်မြောက် နှစ်ပတ်လည်နေ့မှာ ချစ်သူရဲ့စွန့်ပစ်ခံလိုက်ရတဲ့အတွက်သူ့ဘဝကို အလုပ်ထဲမှာပဲ နှစ်မြှုပ်ထားလိုက်ပါတယ်။ တစ်ချိန်တည်းမှာပဲ အလွန်အောင်မြင်တဲ့ကုမ္ပဏီ CEO တစ်ဦးဖြစ်သူ ဒိုနိုဆဲ ဆုခါဆာဟာ သူ့အသိုင်းအဝိုင်းက လူတွေ မျှော်လင့်ချက်တွေကိုဖြည့်ဆည်းဖို့အတွက် အဆင်ပြေတဲ့ အိမ်ထောင်ရေးတစ်ခုကို ရှာဖွေနေပါတယ်။ဒိုနိုဆဲက အိမ်ပြောင်းနေဖို့ တိုက်ခန်းအသစ်ရှာချိန်မှာ အဆင့်မြင့်ဇိမ်ခံတိုက်ခန်းကို လိုက်လံပြသပေးတဲ့မီယာဘိနဲ့ဆုံမိပြီး လိုက်ပြတဲ့တိုက်ခန်းက လက်ထပ်ကြတော့မယ့် စုံတွဲများအတွက် အထူးအခွင့်အရေး၆လတာ အခမဲ့နေထိုင်ခွင့်ကို သိသွားခဲ့ပါတယ်။ ဒိုနိုဆဲက အဆင့်မြင့်တိုက်ခန်းမှာ နေဖူးချင်သူ မီယာဘိကို“စီးပွားရေးလက်ထပ်ပွဲ” လုပ်ဖို့ အဆိုပြုရင်း တိုက်ခန်းမှာ အခမဲ့နေထိုင်ခွင့်ရဖို့ ကမ်းလှမ်းခဲ့ပါတယ်။ဒါပေမဲ့ သူ့အပေါ်ကို မီယာဘိက ရိုမန့်တစ်ခံစားချက်မျိုး ပေါ်လာရင် ကွာရှင်းမယ်ဆိုတဲ့ သတ်မှတ်ချက်နဲ့ပါ။အတူတူနေလာကြရင်း တစ်ဦးရဲ့ကိုယ်ရည်ကိုယ်သွေးတွေက ကျန်တစ်ဦးအပေါ် လွှမ်းမိုးလာအောင်ဖန်တီးပေးနေတဲ့ မြားနတ်မောင်ကျူးပစ်ရဲ့ အစီအစဉ်မှာ သူတို့နှစ်ဦး သတ်မှတ်ချက်ကို လိုက်နာနိုင်ကြပါ့မလားဆိုတာ…