Texas ရဲ့ နီရဲနေတဲ့ ကုန်းမြင့်တွေအောက်က Ransom Canyon ဒေသက အချစ်၊ မေတ္တာ၊ လျှို့ဝှက်ချက်တွေနဲ့ မွေးမြူရေးခြံပိုင်ရှင်တွေကြားက ပြိုင်ဆိုင်မှုတွေကို မြင်တွေ့ရမယ့် Ransom Canyonဆီးရီးအသစ်…. ဒီ Season 1 မှာ အပိုင်း (၁၀) ပိုင်းပါဝင်ပြီး မွေးမြူရေးခြံတွေပိုင်တဲ့ မျိုးဆက်သုံးခုကြားက အားပြိုင်မှုတွေ၊ ကြေကွဲစရာအတိတ်တွေ၊ ရင်ခုန်စိတ်လှုပ်ရှားဖွယ်ရာအချစ်ဇာတ်လမ်းတွေကိုမြင်တွေ့ရမှာ ဖြစ်ပါတယ်… မိန်းမဖြစ်သူရော သားဖြစ်သူကိုပါ ဆုံးရှုံးထားရတဲ့ မွေးမြူရေးခြံပိုင်ရှင် Staten Kirkland….. သူ့အတွက် တစ်ဦးတည်းသောယုံကြည်အားကိုးရတဲ့မျှော်လင့်ချက်လေး QuinnO’Grady…….. Staten Kirkland ဟာ မိန်းမဖြစ်သူကို ဆုံးရှုံးလိုက်ရတဲ့ ဝမ်းနည်းမှုတွေကနေ နလန်မထူနိုင်ခင်မှာပဲ သားဖြစ်သူရန်ဒယ်ဟာ ကားမတော်တဆမှုတစ်ခုကြောင့် သူ့မွေးနေ့မှာပဲသေဆုံးခဲ့ပါတယ်….သူ့သားရဲ့ ကားမတော်တဆမှုဟာ မတော်တဆတစ်ခုမဟုတ်ဘဲ ပရောဂတစ်ခုခုပါဝင်နေမယ်ဆိုတာကို ယုံကြည်နေတဲ့ Staten Kirkland ဟာ ဒီကားမတော်တဆမှုကို စုံစမ်းဖို့ကြိုးစားနေပါတယ်….ဆုံးရှုံးမှုတွေကြောင့် စိတ်ဒဏ်ရာရနေတဲ့ Staten Kirkland ကို နှစ်သိမ့်ဖို့ ကြိုးစားနေတဲ့ သူငယ်ချင်းမလေး Quinn O’Grady ဟာ ဟိုးအရင်ကတည်းက Staten ကိုတစ်ဖက်သတ်ကြိတ်ကြွေနေခဲ့သူတစ်ယောက်ပေါ့….. ဒါ့အပြင် ဒီနယ်မြေက ရေအောင်းလွှာမှာ ပိုက်လိုင်းသွယ်ဖို့ ကြိုးစားနေတဲ့ ပြင်ပအဖွဲ့အစည်းတစ်ခုကလည်း Staten Kirkland ကို သူ့မြေတွေကိုရောင်းချဖို့ နားချနေခဲ့တယ်….ဒီလိုရှုပ်ထွေးတဲ့အခြေအနေတွေကြားမှာ မွေးမြူရေးခြံတစ်ခုမှာ အလုပ်လုပ်ဖို့ လျှို့ဝှက်ချက်တွေအများကြီးနဲ့ ထူးဆန်းတဲ့ကောင်းဘွိုင်တစ်ယောက် ရောက်ရှိလာတဲ့အခါမှာ…………..ရိုးရှင်းတဲ့ကျေးလက်ဘဝရယ်၊ ရင်သပ်ရှုမောဖွယ်ရာ တက္ကဆက်ရှုခင်းတွေနဲ့ မျိုးဆက်သုံးခုကြားက အားပြိုင်မှုတွေနဲ့ ထူးဆန်းတဲ့ကောင်းဘွိုင်တစ်ဦးတို့ကြားမှာ ဘာတွေဆက်ဖြစ်လာမလဲဆိုတာကိုတော့ဒီဆီးရီးလေးမှာ စောင့်ကြည့်ပေးကြပါဦး…