ZEE5ကနေ ထုတ်လွှင့်လိုက်တဲ့ ဟင်ဒီအချစ်ဟာသ ရုပ်သံဇာတ်လမ်းတွဲကို တင်ဆက်ပေးလိုက်ပါတယ်။၂၀၁၇ကထွက်ရှိခဲ့တဲ့ မာရသီစကားပြော Chi Va Chi Sau Ka (2017)ရဲ့ ဇာတ်လမ်းနဲ့ဆင်တူတယ်လို့လည်း ဆိုကြပါတယ်။မြန်မာနိုင်ငံသားတို့ မစိမ်းကြတဲ့ လော်စပီကာကနေ လွင့်ပျံလာတဲ့အသံချဲ့စက်ဆရာရဲ့အသံ ဟဲလို တက်စတင် ဝမ်း တူး သရီးဆိုတဲ့မိုက်ခရိုဖုန်းစမ်းတာလိုမျိုးပဲ ဒီဇာတ်လမ်းရဲ့နာမည်ကတော့ အချစ်ကို စမ်းသပ်တာပေါ့။အချစ်ဆိုတာမျိုးက နားလည်မှုတွေနဲ့မှပဲ အဆင်ပြေတာလား၊ တကိုယ်ကောင်းဆန်မှုတွေနဲ့ရော အဆင်ပြေကြလေသလား???တစ်ယောက်နဲ့တစ်ယောက်နားလည်နေမှ အချစ်လို့ခေါ်တာလား???ကိုယ့်သတ်မှတ်ချက်တွေ ခံယူမှုတွေအတိုင်း တစ်ဘက်လူ ရှင်သန်နေမှပဲ အချစ်တဲ့လား???အချစ်ဆိုတာကို ဘယ်သူမှ သဲသဲကွဲကွဲ အဓိပ္ပါယ်ဖွင့်ဆိုမပြနိုင်ခဲ့တော့လည်း အခက်သား။ဒီရုပ်သံစီးရီးက နှစ်ဖက်မိဘတွေ သဘောတူလို့ယူကြရမဲ့ ယောကျ်ားတစ်ယောက်နဲ့ မိန်းမတစ်ယောက်ရဲ့ဇာတ်လမ်းမယူခင်မှာ သတို့သမီးလောင်းဖြစ်သူဘက်က အိမ်ထောင်မပြုခင် နှစ်လအတူနေကြည့်ဖို့ ဆုံးဖြတ်လိုက်တဲ့အခါ…။နှစ်ဘက်အသိုင်းအဝိုင်းရဲ့ ခံယူချက်တွေ၊ ယောကျ်ားမိန်းမဆိုတဲ့ အတ္တတွေကြားက သဘာ၀တရားကို ရှုစားကြရမှာပါ။