Bl ပရိသတ်များအတွက် ယခုတစ်ခါတင်ဆက်ပေးချင်တဲ့ စီးရီးလေးကတော့ မင်းသားသစ်များကိုပွဲထုတ်ထားတဲ့သဘာဝလွန်ဖြစ်ရပ်များပါဝင်တဲ့ အချစ်ဒရာမာစီးရီးလေးဖြစ်ပါတယ်။စီယာဆိုတဲ့တက္ကသိုလ်ကျောင်းသားလေးဟာ ဂီတသမားတစ်ယောက်ဖြစ်ဖို့အတွက်က သူ့ရဲ့ အိပ်မက်ဖြစ်ပြီးဒီအိပ်မက်ကို အကောင်အထည်ဖော်နိုင်ဖို့အတွက် ကြိုးစားရုန်းကန်ရင်းနဲ့ မသေချာမရေရာတဲ့ ဘဝကြီးကို ဖြတ်သန်းနေရသူတစ်ယောက်ပေါ့။ဘဝကို ကြိုးစားရုန်းကန်နေရင်းနဲ့ မမျှော်လင့်ထားတဲ့ အလှည့်အပြောင်းတစ်ခုဖြစ်လို့လာခဲ့ပါတယ်။ဒါကတော့ သူတို့ကလပ်က စီနီယာကျောင်းသားဖြစ်သူ ဘလူးနဲ့ တွေ့ဆုံခဲ့တာပါပဲ။ဘလူးဆိုတာကတော့ သေဆုံးသွားပြီးသားသူဖြစ်ပြီး မကျွတ်မလွတ်ဝိညာဉ်အဖြစ်နဲ့ ရှိနေသူပါ။ဘလူးနဲ့ တွေ့ဆုံမိတဲ့နောက်မှာတော့ စီယာ့အတွက် ကြောက်ရွံ့မှုတွေနဲ့အတူ မမျှော်လင့်ထားတဲ့ ခံစားချက်တွေပါ ရရှိလို့လာခဲ့ပါတယ်။စီယာနဲ့ ဘလူးတို့ဟာ ဘယ်လိုအကြောင်းပြချက်တွေကြောင့်နဲ့များ လူသားနဲ့ ဝိညာဉ် တွေ့ဆုံပတ်သတ်မိကြရလဲ ဆိုတာကိုစိတ်ဝင်စားဖွယ်ကြည့်ရှုရမဲ့ အချစ်တွေနဲ့ပြည့်နှက်နေတဲ့ သဘာဝလွန်စီးရီးလေးတစ်ခုပဲဖြစ်ပါတယ်။