The Studio FHD

The Studio

Comedy FHD 2025-03-25 7.4

‘မက်ရမ်မစ်’ဆိုတဲ့ စီမံခန့်ခွဲသူက သူ ဆယ်စုနှစ် ၂ ခုစာလောက် အလုပ်လုပ်လာတဲ့ ‘ကွန်တီနန်တယ်စတူဒီယို’ရဲ့ အမှုဆောင်ဦးစီးအဖြစ် ရာထူးတက်သွားတယ်။ရာထူးတက်သွားပြီဆိုတာနဲ့ သူက ဘယ်လိုမျိုးအနုပညာလက်ရာတွေကို ချပြမှာ၊ ဘယ်လိုကားကောင်းတွေကိုပဲ ထုတ်မှာ ဘာညာသာရကာဆိုပြီး ကြွားလုံးထုတ်တော့တာပါပဲ။တကယ်တော့ သူအဲ့ရာထူးရလာတာကိုက Barbie ရုပ်ရှင်လိုမျိုး Kool-Aid အချိုရည်ကို ဘရန်းကြော်ငြာတဲ့ရုပ်ရှင်တစ်ကား ရိုက်ပေးပါ့မယ်ဆိုတဲ့ ကတိကဝတ်နဲ့ ရာထူးတက်လာတာ။ရုံတင်ဝင်ငွေကောင်းတဲ့ရုပ်ရှင်ကားကိုရိုက်မလား၊ အော်စကာတွေ ပတ်သိမ်းမယ့်ဂန္တဝင်ရုပ်ရှင်ကားကို ရိုက်မလားလို့ သူ့ကိုလာမေးရင် သူက နှစ်ခုလုံးကို ရအောင်လုပ်ပြချင်တာပါတဲ့။သူ့ရဲ့ စိတ်ကူးအိပ်မက်တွေက တခြား၊ တကယ်လက်တွေ့လုပ်နေရတာတွေက တခြားနဲ့ မက်တစ်ယောက် ဘယ်လိုမျိုး အလွဲတွေကို ရင်ဆိုင်ရမလဲဆိုတာကို ရယ်မောဖွယ် မြင်တွေ့ရမှာ ဖြစ်ပါတယ်။မက်ရမ်မစ်နေရာမှာတော့ စီးရီးဖန်တီးသူ Seth Rogen ကိုယ်တိုင်ပါဝင်ထားပြီး Marvel ရဲ့ Agatha ဖြစ်တဲ့ Kathryn Hahn၊ Home Alone ထဲက မင်းသမီးကြီး Catherine O’Hara တို့ပါဝင်တဲ့အပြင်တစ်ပိုင်းချင်းစီမှာလည်း Charlize Theron၊ Greta Lee၊ Anthony Mackie နဲ့ အစရှိသဖြင့် မင်းသား၊မင်းသမီးများစွာက ပါဝင်အားဖြည့်ပေးထားပါတယ်။