အခုတစ်ခေါက် ပရိသတ်တွေအတွက် တရုတ်ဇာတ်လမ်းတိုတွေထဲကသရုပ်ဆောင်ကောင်းတဲ့ ချစ်စရာမင်သမီးလေး Fangtong Chen နဲ့မင်းသားချောလေး Xiaodong Fang တို့ရဲ့ ဇာတ်လမ်းသစ်လေးကိုဘာသာပြန်တင်ဆက်ပေးလိုက်ပါတယ်။လုံချိုးဂိုဏ်းမှ တပည့်မလေး ချန်ယန်ဟာ အဆင့်တိုးဂါရဝပွဲမှာဆရာတူအစ်ကို ချန်ထျန်းက အတင်းအဓမ္မ အတူကျင့်ကြံဖို့ လုပ်တဲ့အချိန်မှာအားကိုးရာမဲ့နေတဲ့ချန်ယန်းဟာ အတွင်းဓာတ်လုံးကို ကိုယ့်ဘာသာ ခွဲလိုက်ပြီးသူနဲ့ဝိညာဉ်သားရဲအဖြစ် စာချုပ်ချုပ်ဆိုထားသူ ချန်ရဲ့ အကူအညီနဲ့ လွတ်မြောက်လာခဲ့ပါတယ်။ချန်ယန်က အခုချန်ထျန်းခန္ဓာကိုယ်ထဲမှာ ရှေးဟောင်းမှော်သားရဲကြီးရှိနေကြောင်းသိခဲ့ရတဲ့အခါ ကလဲ့စားချေဖို့ ဆုံးဖြတ်ခဲ့ပါတယ်။ သူက ရှေးဟောင်းနတ်လက်နက်ကိုပြုလုပ်နိုင်ခဲ့ပြီး အတွင်းဓာတ်လုံးကို ပြန်ရအောင် ကျင့်ကြံဖို့ ကြိုးစားခဲ့ပါတယ်။ဒါပေမဲ့ အဲဒီလို ကြိုးစားနေတဲ့အချိန်မှာ ကံဆိုးစွာနဲ့ အဆိပ်မိသွားခဲ့ပြီးအသက်ဆုံးရှုံးရမလို ဖြစ်သွားခဲ့ပါတယ်။ ချန်ယန်ဟာ ချန်နဲ့ လက်ထပ်ဖို့ဆုံးဖြတ်ခဲ့ပေမဲ့လက်ထပ်ပြီး နောက်တစ်နေ့မှာပဲ ချန်ကို မိစ္ဆာနယ်မြေကို ပြန်ပို့ခဲ့ပြီး သူကတော့ အသတ်ခံလိုက်ရပါတယ်။ချန်ဟာ ဒေါသပေါက်ကွဲသွားခဲ့ပြီး လုံချိုးကို ပြန်လာခဲ့ပါတယ်။ ဘဝပြောင်းသွားတဲ့ချန်ယန်ကတော့ လုမင်နတ်မယ်တော်ဖြစ်သွားခဲ့ပါတယ်။ ချန်ယန်က လုမင်ရဲ့အဆင့်အတန်းကိုအသုံးချပြီး မှော်သားရဲကို ပြန်လည်ဖမ်းချုပ်ဖို့ အကြံက ပေါက်ကြားသွားခဲ့ပါတယ်။ချန်ယန်နဲ့ချန်တို့အတူ ရှကို တိုက်ခိုက်ကြပြီး နောက်ဆုံးမှာ ရှကို ဖမ်းချုပ်ပြီးလောက ၃ ပါးမှာပြန်လည်ငြိမ်းချမ်းသွားပါတော့တယ်။