သာသနာနှစ် ၂၄၅၆ခုနှစ် (သက္ကရာဇ် ၁၉၁၃ ခုနှစ်)မှာ သမီးတော်လေး ဖီရန်ဝါရီနဲ့ သမီးတော်လေး ဆာစီနဖာတို့ဟာ နေမင်းနဲ့ လမင်းလိုပဲ အမြဲအတူတူတွဲပြီး မတွေ့ရတတ်ပါဘူး…ဒါပေမဲ့လည်း သူတို့ရဲ့ မမျှော်လင့်တဲ့ ချစ်ခြင်းတွေနဲ့ နှလုံးသားရဲ့ ဆန္ဒတွေအရ အချစ်ကြီးချစ်ကြတဲ့ ချစ်သူတွေအဖြစ်ကို ရောက်ရှိလို့လာခဲ့ပါတယ်…သူတို့နှစ်ယောက်ရဲ့ချစ်ခြင်းမေတ္တာကြားမှာ ရိုးရာထုံးတမ်းဆိုတဲ့ မဟာတံတိုင်းကြီး ခြားနားလို့နေတဲ့အတွက် အချစ်ရေးဟာ မဖြောင့်ဖြူးခဲ့သော်ငြားလည်းသူတို့နှလုံးသားတွေရဲ့ ပြင်းပြတဲ့ ဆန္ဒတွေ အချစ်တွေကြောင့် သူတို့တွေဟာလည်း ဘဝတစ်ကွေ့မှာ ပြန်လည်ဆုံစည်းဖို့အတွက် ဖြစ်လာခဲ့ပါတော့တယ်…သာသနာနှစ် ၂၅၆၄ခုနှစ် (သက္ကရာဇ် ၂၀၂၁ခုနှစ်)မှာတော့ မင်းသမီးလေးနှစ်ယောက်ဟာ ကတ်ဆာကွန်နဲ့ အာထစ်ထန်အဖြစ် ပြန်လည်မွေးဖွားလာကြပါတယ်…ရှေးရေစက်တွေကြောင့် ပြန်လည်တွေ့ဆုံကြရပြီး သူတို့တွေရဲ့ အချစ်ပန်းလေးဟာလည်း ပြန်လည်ပွင့်လန်းလာခဲ့ပါတော့တယ်…သို့ပေမဲ့လည်း အချစ်စစ်မှန်ရင်မဖြောင့်ဖြူးဘူးဆိုတဲ့ စကားအတိုင်းပဲ ရိုးရာဓလေ့တွေက သူတို့ကို မတားဆီးနိုင်တော့ဘူးဆိုရင်တောင် သူတို့အတိတ်က အကြောင်းတွေက အခုလက်ရှိကာလမှာဘာတွေ ဂယက်လာရိုက်မလဲ…ဘဝဘဝတွေ ပြန်လည်တွေ့ဆုံခဲ့ကြပေမဲ့ အရင်ဘဝနဲ့ မတူဘဲ ဒီဘဝမှာ ပေါင်းဖက်သွားနိုင်ကြမလားဆိုတာတွေကိုအသည်းတယားယားနဲ့ ကြည့်ရှုရမဲ့ GL Romance စီးရီးကောင်းလေးဖြစ်ပါတယ်…