ဂျောင်ဒါအွန် (Kim Jun-Seo) ဟာဆိုရင် သူဌေးသားလေးလို နုနယ်ချောမောတဲ့ရုပ်ရည်ကို ပိုင်ဆိုင်ထားတဲ့အပြင် ဉာဏ်ရည်ပါ ပြည့်စုံတဲ့အတွက်သူ့ပတ်ဝန်းကျင်ကသူတွေအားလုံးရဲ့ အားကျခြင်းကို ခံနေရသူပါ…ဒါပေမဲ့ လက်တွေ့မှာတော့ ဒါအွန်ဟာ အကြွေးတွေပဲရှိတဲ့ မိဘတွေနဲ့ ညီမငယ်လေးကိုတာဝန်ယူထားရတဲ့ သနားစရာကောင်လေးပဲဖြစ်ပါတယ်…အဲဒီလို ဒါအွန် ပင်ပန်းခက်ခဲချိန်တိုင်း မှီခိုခဲ့ရတဲ့သူကတော့ ရှင်းဂျယ်မင်း (Kim Ho-Young)ပါ…ဟိုယောင်းက ဒါအွန်အထက်တန်းကျောင်းတုန်းကလည်း အခမဲ့ ဂိုက်သင်ပေးဖူးပြီး ဒါအွန် တစ်ဖက်သတ် ကြိတ်သဘောကျနေရသူပဲ ဖြစ်ပါတယ်…လက်ရှိမှာတော့ ဒါအွန်ဟာ နာမည်ကြီးတက္ကသိုလ်ကနေ ဘွဲ့ရရှိထားပြီး အယ်ဘီဆောက်လုပ်ရေးမှာ အလုပ်ဝင်နေပြီဖြစ်ပါတယ်…ကုမ္ပဏီက လုပ်ဖော်ကိုင်ဖက်တစ်ဦးဖြစ်တဲဂျူဆောင်းဟျွန်း (Cha Sun-Hyung) နဲ့ အစက ပဋိပက္ခအနည်းငယ် ရှိခဲ့ပေမဲ့လည်း နောက်ပိုင်းမှာတော့ ဆောင်းဟျွန်းက ဒါအွန်အပေါ် စိတ်ယိမ်းယိုင်စပြုလာပြီးသူ့ခံစားချက်တွေကို ဒါအွန်သိအောင် ဖွင့်ပြောဖို့ ကြိုးပမ်းလာပါတော့တယ်…တစ်ဖက်မှာလည်း ဒါအွန်ရဲ့ အသိအစ်ကိုတစ်ယောက်ဖြစ်တဲ့ ဂင်ဆူဟျွန်း (Cha Jung-Woo)ကနိုင်ငံခြားပညာတော်သင်သွားရာမှ ပြန်ရောက်လာပြီး ဒါအွန်အနားကို ချဉ်းကပ်စပြုလာတဲ့အခါမှာတော့…သူတို့လေးဦးကြားက ရှုပ်ထွေးလွန်းလှတဲ့ လေးပွင့်ဆိုင်အချစ်တော်ပုံလေးက ဘယ်လိုအဆုံးသတ်သွားမလဲဆိုတာကိုတော့ဒရမ်မာလေးထဲမှာ ဆက်လက်ကြည့်ရှုပေးကြဖို့ ညွှန်းဆိုလိုက်ပါရစေ…