ဒီစီးရီးကို ITV1 ချန်နယ်က ထုတ်လွှင့်ပြသခဲ့ပြီးcomedy-drama အမျိုးအစား British စီးရီးပဲဖြစ်ပါတယ်။စီးရီးရဲ့ (၄)ပိုင်းစလုံးကို ဒါရိုက်တာ Ben Palmer ကပဲ ရိုက်ကူးပေးခဲ့ပါတယ်။ယခုစီးရီးထဲမှာ အဓိကဇာတ်ဆောင်တွေထဲ တစ်ယောက်ဖြစ်တဲ့သူကတော့ Doctor Who စီးရီးနဲ့ MCU ရုပ်ရှင်တွေမှာ နာမည်ကြီးခဲ့တဲ့မင်းသမီး Karen Gillan ပဲဖြစ်ပါတယ်။ဇာတ်လမ်းသဘောကတော့ Douglas Bellowes လို့ခေါ်တဲ့ နာမည်ကြီးအစီအစဉ်တင်ဆက်သူတစ်ယောက်ဟာ သူ့ဝမ်းကွဲညီအစ်ကိုရဲ့ မင်္ဂလာဆောင်မှာလိင်ခွဲခြားဆက်ဆံမှုနဲ့ သက်ဆိုင်တဲ့ ဟာသတစ်ခုကို လုပ်ပြောခဲ့ပါတယ်။အဲ့ဟာသက Twitter ပေါ်မှာ ဟိုးလေးတကျော်ကျော် နာမည်ကြီးလာခဲ့ပြီး Douglas ရဲ့အသက်မွေးဝမ်းကြောင်းလုပ်ငန်းကိုပါ တဖြည်းဖြည်းထိခိုက်လာခဲ့ပါတယ်။ဒါကြောင့် Douglas တစ်ယောက် အလုပ်မှာရှိတဲ့ သူ့ရဲ့ လုပ်ဖော်ကိုင်ဖက်တွေနဲ့အတူဒီကိစ္စကြီးကို ဖြေရှင်းတာကို ရိုက်ကူးထားတာပဲဖြစ်ပါတယ်။ရယ်စရာလေးတွေ အတော်ပါတာမို့ ကြည့်လို့အရမ်းကောင်းပါတယ်။