The Queen Who Crowns FHD

The Queen Who Crowns

Drama FHD 2025-01-06 8.3

The Glory ထဲက လေယာဉ်မယ် မမ (Cha Joo Young)နဲ့ The Plot ဇာတ်ကားထဲကမင်းသား (Lee Hyun Wook)တို့ရဲ့ နန်းတွင်း ဇာတ်လမ်းတွဲ အသစ်လေးနဲ့ မိတ်ဆက်ပေးပါရစေ။မိဖုရား ဝန်းဂယောင်း (Cha Joo Young)ဟာ မျိုးရိုးစဉ်ဆက် ဂုဏ်သတင်း ကြီးမားခဲ့တဲ့မိသားစုကနေ ဆင်းသက်လာတဲ့ အမျိုးသမီး ဖြစ်ပြီး ထယ်ဂျိုဘုရင်ရဲ့ သားဖြစ်သူ မင်းသားဂျောင်အန်း အီဘန်ဝမ်နဲ့ လက်ဆက်ခဲ့ပါတယ်။အီဘန်ဝမ်ဟာ ဖခင် ထယ်ဂျိုရဲ့ ပလ္လင်ကို အမွေဆက်ခံချင်‌တဲ့ ဆန္ဒရှိနေပေမဲ့ ထယ်ဂျိုဘုရင်ဟာသူ့ရဲ့ ဒုတိယမြောက် သားဖြစ်တဲ့ အီဘန်ဂွါကို ဆက်ခံသူ အဖြစ် ရွေးချယ်ခဲ့တာကြောင့်မင်းသား အီဘန်ဝမ်နဲ့ မိဖုရား ဝန်းဂ‌ယောင်းတို့ဟာ အမျက်တော် ထွက်ခဲ့ရပါတယ်။ဒါကြောင့် မိဖုရား ဝန်းဂယောင်းဟာ ခင်ပွန်းဖြစ်သူ ထယ်ဂျုံးဘုရင် ဖြစ်လာနိုင်ဖို့နဲ့ခေတ်သစ်တစ်ခေတ် ထူထောင်နိုင်ဖို့ ပံ့ပိုးကူညီပေးခဲ့ပါတယ်။သို့ပေမဲ့ ဘုရင်ဖြစ်လာခဲ့တဲ့ အီဘန်ဝမ်ဟာ ကြင်ယာတော် အမြောက်အများ တင်မြောက်မှုတွေရှိလာတာကြောင့် မိဖုရား ဝန်းဂ‌ယောင်းနဲ့ ဆက်ဆံရေးမှာ တင်းမာမှုတွေ စတင်ပေါ်ပေါက်လာပါတော့တယ်။အဲဒီလိုနဲ့ အာဏာ ဆက်လက်တည်မြဲချင်တဲ့ အီဘန်ဝမ်ဟာ မိဖုရားဝန်းဂယောင်းကိုကြိုးကိုင်ထိန်းချုပ်ဖို့ ကြိုးစားလာတဲ့အချိန်မှာတော့….ထီးနန်းရရှိဖို့ ပံ့ပိုးပေးခဲ့တဲ့ မိဖုရားဖြစ်သူနဲ့ အာဏာဆက်လက်တည်မြဲဖို့ ကြိုးကိုင်လာမဲ့ဘုရင်တို့ကြား ဘယ်သူအနိုင်ရရှိမလဲဆိုတာကို အတူတူ ကြည့်ရှုခံစားကြဖို့ ညွှန်းဆိုလိုက်ပါတယ်။